ჩრდილოეთ კოსოვოში შეტაკებისას ნატო-ს სამშვიდობო მისიის 25 სამხედრო და 50-ზე მეტი სერბი დაშავდა

2023-05-30 09:50:07, 775 ნახვა

მსოფლიო

ჩრდილოეთ კოსოვოში სერბ დემონსტრანტებთან შეტაკებისას ნატო-ს სამშვიდობო მისიის 25 სამხედრო დაშავდა. ამის შესახებ განცხადებას კოსოვოში განთავსებული ნატო-ს მისია (KFOR) ავრცელებს.

განცხადების თანახმად, ნატო-ს ძალების იტალიური და უნგრული კონტინგენტის სამხედროები არაპროვოცირებული თავდასხმის სამიზნე გახდნენ.

„ნატო-ს დანაყოფებზე არაპროვოცირებული თავდასხმები მიუღებელია და ნატო-ს ძალები კოვოსში გააგრძელებენ თავიანთი მანდატის მიუკერძოებლად შესრულებას“,- ნათქვამია კოსოვოში ნატო-ს მისიის მეთაურის, ანჯელო მიკელე რისტუჩიას განცხადებაში.

სერბეთის მედიის ცნობით, შეტაკებებისას სერბი დემონსტრანტების მხრიდან 50-ზე მეტი ადამიანი დაშავდა.

ცნობისთვის, კოსოვოს ჩრდილოეთ ნაწილში ვითარება მას შემდეგ დაიძაბა, რაც მუნიციპალური შენობების წინ რამდენიმე ასეული სერბი შეიკრიბა და კოსოვოს პოლიციისა და ახალარჩეული ალბანელი მერების გაყვანა მოითხოვა.

სერბები უარს აცხადებენ ალბანეთის წარმომადგენლების ხელისუფლებაში მიღებაზე იმ მუნიციპალიტეტებში, სადაც სერბები მოსახლეობის 95%-ზე მეტს შეადგენენ. ვითარების ესკალაციის გამო, კოსოვოს ეთნიკური სერბებით დასახლებულ ქალაქებში, ადმინისტრაციულ შენობებთან ნატო-ს ძალები განათავსეს.

კოსოვომ სერბეთისგან დამოუკიდებლობა 2008 წელს გამოაცხადა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,