ანექსირებულ ყირიმში, უკრაინის პრეზიდენტის, ოლენა ზელენსკაიას მეუღლის იალტის ბინა, ასევე უკრაინელი ოლიგარქებისა და ყირიმელი თათრების მეჯლისის კუთვნილი რამდენიმე შენობა ნაციონალიზებული იქნა. ამის შესახებ რუსეთის მიერ დანიშნულმა ნახევარკუნძულის ხელმძღვანელმა სერგეი აქსიონოვმა განაცხადა.

ის ფაქტი, რომ ზელენსკაიამ პენტჰაუსი ყირიმში 2013 წელს საბაზრო ღირებულების ნახევარზე იყიდა, მედიაში 2019 წელს გავრცელდა. შემდეგ გავრცელდა ინფორმაცია, რომ პრეზიდენტის მეუღლემ იალტაში იყიდა სამოთახიანი ბინა თითქმის 164 ათას დოლარად (დაახლოებით 1200 ათასი დოლარი კვადრატულ მეტრზე). ამასთან, იმ დროისთვის ასეთი ბინების კვადრატული მეტრის ღირებულება ოთხ ათას დოლარს აღწევდა.

ზელენსკაიამ ბინა უკრაინელი ყოფილი დეპუტატის და ბიზნესმენის, ალექსანდრე ბურიაკისგან იყიდა. ის ასევე იყო ვლადიმირ ზელენსკის შტაბის ერთ-ერთი მოხალისე. უკრაინის პრეზიდენტის პრესსამსახურმა განაცხადა, რომ უკრაინის სახელმწიფოს მეთაურის მეუღლემ უძრავი ქონება ყირიმში რუსეთის მიერ ნახევარკუნძულის ანექსიამდე იყიდა უკრაინის მოქმედი კანონმდებლობის სრული დაცვით და საბაზრო ფასად.

2019 წლის აპრილში ზელენსკის ყირიმის ბინა გაიყიდა 790 000 დოლარზე მეტად.

ანექსირებული ყირიმის რუსეთის ხელისუფლებამ თებერვალში გადაწყვიტა უკრაინელი ფიზიკური პირების 700-მდე ქონების ნაციონალიზაცია. ნაციონალიზებული ქონების მფლობელებს შორის არიან უკრაინელი ბიზნესმენები და პოლიტიკოსები რინატ ახმეტოვი, იგორ კოლომოისკი, არსენი იაცენიუკი, ნესტორ შუფრიჩი, სერგეი ტარუტა და სხვები.

ნაციონალიზებული აქტივები მოიცავს მიწას და უძრავ ქონებას. რუსეთის მიერ დანიშნული ყირიმის პარლამენტი მიიჩნევს, რომ მათი მფლობელები კიევის ხელისუფლებასთან არიან დაკავშირებული და რუსეთის წინააღმდეგ „არამეგობრულ ქმედებებს“ ახორციელებენ.
თავის მხრივ, აქსიონოვმა თქვა, რომ ნაციონალიზებული ქონება აუქციონზე გაიყიდება და მისი გაყიდვიდან შემოსული მთელი შემოსავალი მოხმარდება „სპეციალური სამხედრო ოპერაციის“ საჭიროებებს, როგორც რუსეთი ოფიციალურად უწოდებს ომს უკრაინის წინააღმდეგ.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება