დიდი ბრიტანეთის თავდაცვის მინისტრი ბენ უოლესი უკრაინაში ჩავიდა. უოლესი სამუშაო ვიზიტის ფარგლებში უკრაინელ კოლეგას, ოლექსი რეზნიკოვს შეხვდა.

თავდაცვის უწყების ცნობით, ორი ქვეყნის თავდაცვის მინისტრებმა შეხვედრისას უსაფრთხოების არაერთი მნიშვნელოვანი საკითხი განიხილეს.

"ჩვენ განვიხილეთ ნატო-ს პერსპექტივა უკრაინისთვის, ვილნიუსში მომავალი სამიტის კონტექსტში. მათ შორის, უკრაინის ხედვა ევროპაში მშვიდობის სტაბილიზაციასთან დაკავშირებით, უკრაინის პრეზიდენტის ვოლოდიმირ ზელენსკის სამშვიდობო ფორმულის გამოყენებით",- განაცხადა რეზნიკოვმა.

დიდი ბრიტანეთის თავდაცვის მინისტრის თქმით, უკრაინამ  Storm Shadow-ს რაკეტები, რომლებიც შორ მანძილზე გამოიყენება, უკვე მიიღო.

"უკრაინამ მიიღო Storm Shadow-ს რაკეტები, რომელთა გამოყენება შესაძლებელია შორ მანძილზე. ეს არის პირველი შორი დისტანციის რაკეტები, რომლებიც უკრაინას მისმა მოკავშირეებმა გადასცეს იმ მიზეზით, რომ რუსეთი აგრძელებს თავისი შორი დისტანციური იარაღის გამოყენებას მშვიდობიანი მოსახლეობისა და სამოქალაქო კრიტიკული ინფრასტრუქტურის წინააღმდეგ",- თქვა ბენ უოლესმა.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება