2023-05-19 09:38:06, 951 ნახვა
მსოფლიო
აშშ-სა და მოლდოვას შორის „ღია ცის შეთანხმება“ გაფორმდა
ამერიკის შეერთებულ შტატებსა და მოლდოვას შორის საჰაერო ტრანსპორტისთვის „ღია ცის შეთანხმება“ გაფორმდა. დოკუმენტს მოლდოვის დედაქალაქ კიშინიოვში ორი ქვეყნის წარმომადგენლებმა ხელი უკვე მოაწერეს.
დოკუმენტი ფრენების შეუზღუდავ მოცულობასა და სიხშირეს, მარშრუტების გახსნის უფლებებს, ჩარტერული ფრენების ლიბერალურ რეჟიმს და ღია კოდის გაზიარების შესაძლებლობას ითვალისწინებს.
„მოლდოვასთან შეთანხმება გააფართოებს ჩვენს ძლიერ ეკონომიკურ და კომერციულ პარტნიორობას, ხელს შეუწყობს ინტერპერსონალური კავშირების განვითარებას და შექმნის ახალ შესაძლებლობებს ავიაკომპანიებისთვის, ტურისტული კომპანიებისა და მომხმარებლებისთვის“,- აღნიშნულია სახელმწიფო დეპარტამენტის განცხადებაში.
ავტორი: ექსპრესნიუსი,
epn.ge (@expressnews.ge)
