2023-05-15 23:59:22, 1418 ნახვა
ომი უკრაინაში
უნგრეთმა ევროპის სამშვიდობო ფონდიდან უკრაინისთვის სამხედრო დახმარების მერვე ტრანშის გამოყოფა დაბლოკა
უნგრეთმა ევროპის სამშვიდობო ფონდიდან უკრაინისთვის სამხედრო დახმარების მერვე ტრანშის გამოყოფა დაბლოკა. ამის შესახებ ინფორმაციას იტალიური სააგენტო „ანსა“ ავრცელებს.
ტრანშის გამოყოფა, რომელიც 500 მილიონ ევროს შეადგენდა ორშაბათს იგეგმებოდა.
როგორც მედიასაშუალება წყაროებზე დაყრდნობით იუწყება, უნგრეთი ითხოვს გარანტიებს, რომ ევროპის მშვიდობის ფონდი თავის გლობალურ სტატუსს შეინარჩუნებს და არ იქნება გამოყენებული მხოლოდ კიევის შეიარაღებისთვის.
ცნობისთვის, ევროპული სამშვიდობო ფონდი 2021 წელს დაარსდა და ევროკავშირის წევრი ქვეყნების შენატანებით ფინანსდება.
ავტორი: ექსპრესნიუსი,
epn.ge (@expressnews.ge)
