თურქეთის პრეზიდენტობის კანდიდატმა ქემალ ქილიჩდაროღლუმ ხმა დედაქალაქ ანკარის დაწყებით სკოლაში მისცა.

კენჭისყრის შემდეგ, მან პირობა დადო, რომ აღადგენს დემოკრატიას თურქეთში მას შემდეგ, რაც ბევრი მიიჩნევს ავტორიტარიზმისკენ სვლას. ”ჩვენ ყველას გვაკლდა დემოკრატია”, - განუცხადა სეკულარულმა ლიდერმა ჟურნალისტებს. „ნახავთ, ღმერთმა ქნას, გაზაფხული მოვა ამ ქვეყანაზე“.

ქემალ ქილიჩდაროღლუ არის რესპუბლიკური სახალხო პარტიის (CHP) თავმჯდომარე, რომელიც დააარსა მუსტაფა ქემალ ათათურქმა - თანამედროვე თურქეთის დამფუძნებელმა.

წინასწარი მონაცემებით, არჩევნებში აქტივობა მაღალი იქნება.

პრეზიდენტობისთვის ოთხი კანდიდატი იბრძვის - თურქეთის ამჟამინდელი პრეზიდენტი ერდოღანი, ოპოზიციური სახალხო ალიანსის ლიდერი ქემალ კილიჩდაროღლუ, მემლეკეტის პარტიის თავმჯდომარე მუჰარამ ინჯე, ატას ალიანსის წევრი სინან ოგანი.

თურქეთის არჩევნები 2023 წელს მთავარს უწოდებენ. თურქეთის მომავალი როლი ნატოსა და უკრაინის ტერიტორიაზე სამხედრო ოპერაციებში, ასევე ქვეყნის ურთიერთობები აშშ-სთან, ევროკავშირთან და რუსეთთან იქნება დამოკიდებული გამარჯვებულ კანდიდატზე. გამოკითხვების მიხედვით, ერდოღანს მხარს ამომრჩეველთა 43,7%, კილიჩდაროღლუს 49,3% უჭერს. ეს ნიშნავს, რომ არჩევნები შეიძლება გაგრძელდეს მეორე ტურით, რომელიც შეიძლება 28 მაისს ჩატარდეს.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა