ყაზახეთში 24 ქართველი თაღლითობის ბრალდებით დააკავეს. აღნიშნულის შესახებ ინფორმაციას ყაზახური მედია ავრცელებს.

ყაზახეთის შინაგან საქმეთა სამინისტროს კიბერდანაშაულთან ბრძოლის ცენტრის ხელმძღვანელის, ჟანდოს სუიუნბაის თქმით, ისინი ქოლცენტრში მუშაობდნენ.

”ალმათში, ქალაქის პოლიციის დეპარტამენტის კიბერდანაშაულთან ბრძოლის განყოფილების თანამშრომლებმა, ოპერატიულ-სამძებრო სამუშაოების მსვლელობისას, გამოავლინეს ინტერნეტ თაღლითების ქოლ-ცენტრი. ოპერაციის დროს დააკავეს საქართველოს რესპუბლიკის 24-კაციანი ჯგუფი“,- განაცხადა სუიუნბაიმ.

როგორც მედია წერს, ყაზახეთში სატელეფონო ზარები რომელიმე ბანკის ან სამართალდამცველი ორგანოს თანამშრომლის სახელით, თაღლითობის ერთ-ერთი ყველაზე გავრცელებული ფორმაა. 

ყაზახეთის შინაგან საქმეთა სამინისტროს მონაცემებით, მხოლოდ ამ წლის დასაწყისიდან, მობილური ქსელების ოპერატორებმა სხვა ქვეყნებიდან 15 მილიონის რაოდენობის მსგავსი თაღლითური ზარი დაბლოკეს.

"ამ წლის პირველ სამ თვეში ყაზახეთში გამოავლინეს 400-ზე მეტი დანაშაული, რომელიც სატელეფონო თაღლითობას უკავშირდებოდა. თაღლითები ზარის დროს ამბობდნენ, რომ ბანკის თანამშრომლები იყვნენ",- წერს მედია. 

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა