კულება - 2008-ში უკრაინისა და საქართველოსთვის ნატო-ს კარის მიხურვას, რუსეთმა ორივე ქვეყანაზე თავდასხმით უპასუხა

2023-04-13 13:39:04, 1740 ნახვა

პოლიტიკა

როდესაც 2008 წელს უკრაინისა და საქართველოსთვის ნატო-ს კარი მიხურა, რუსეთმა სწრაფად უპასუხა ორივე ქვეყანაზე თავდასხმით,- ამის შესახებ უკრაინის საგარეო საქმეთა მინისტრმა, დმიტრი კულებამ ბუქარესტში შავი ზღვის უსაფრთხოების კონფერენციაზე განაცხადა.

კულებას თქმით, რუსეთი ყოველთვის ემზადებოდა დიდი იმპერიალისტური ომისთვის, რომლის საბოლოო მიზანი იყო მორიგი "იალტის" კონფერენციის ჩატარება ევროპის გავლენის სფეროებად დაყოფის მიზნით.

„საქართველო, უკრაინა, სირია და ისევ უკრაინა - მოსკოვი ახორციელებდა სასტიკ თავდასხმებს ერთმანეთის მიყოლებით. დასავლეთში ბევრმა გადაწყვიტა დაეჯერებინა, რომ რუსებს ჰქონდათ "საკუთარი სიმართლე", მაგრამ ერთადერთი სიმართლე ის არის, რომ რუსეთი ყოველთვის ემზადებოდა დიდი იმპერიალისტური ომისთვის, რომლის საბოლოო მიზანი იყო მორიგი "იალტის" კონფერენციის ჩატარება ევროპის გავლენის სფეროებად დაყოფის მიზნით“,- განაცხადა კულებამ.

მისივე თქმით, რუსეთისგან განსხვავებით, დასავლეთს არ ჰქონდა თანმიმდევრული შავი ზღვის სტრატეგია.

„დასავლეთს არ ჰქონდა თანმიმდევრული შავი ზღვის სტრატეგია, ხოლო რუსეთს ყოველთვის ჰქონდა: აგრესიული, რევანშისტული და ბარბაროსული.

ყოველ ნაბიჯზე, რუსეთი იქ მოქმედებდა, სადაც დასავლეთი მოქმედებას ეჭვობდა. როდესაც 2008 წელს უკრაინისა და საქართველოსთვის ნატო-ს კარი მიხურა, რუსეთმა სწრაფად უპასუხა ორივე ქვეყანაზე თავდასხმით. რუსეთი მანიაკი ხდებოდა, მაგრამ ზოგიერთმა ლიდერმა გადაწყვიტა საუკეთესო სტრატეგია - გაეხარებინათ მანიაკი, მისი პოტენციური მსხვერპლების დაუცველად დატოვებით“,- დასძინა კულებამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,