დაშტაფას ტერიტორიაზე მაგისტრალური არხის 500-მეტრიანი მონაკვეთი იწმინდება

2023-04-13 12:05:41, 761 ნახვა

საზოგადოება

ქვემო ქართლში, სოფელ დაშტაფას ტერიტორიაზე, ეკალ-ბარდებისა და დანალექი გრუნტისგან მაგისტრალური არხის 500-მეტრიანი მონაკვეთი იწმინდება.

საქართველოს მელიორაციის ცნობით, სამუშაოების დასრულების შემდეგ, არხში წყლის გადინება შეფერხების გარეშე მოხდება, რაც მარნეულის მუნიციპალიტეტში, 200 ჰექტარ სასოფლო-სამეურნეო მიწის ფართობზე სარწყავი წყლის მიწოდებას გააუმჯობესებს.

"საირიგაციო სისტემაზე მიმდინარე სამუშაოები აპრილის შუა რიცხვებში დასრულდება.

ამ ეტაპზე, საქართველოს მელიორაცია ქვემო ქართლის რეგიონში 15 მლნ ლარის ღირებულების ინფრასტრუქტურულ პროექტებს ახორციელებს, რის შედეგადაც, დამატებით, 2500 ჰექტარზე მეტი სასოფლო-სამეურნეო მიწის ფართობი რეგულარულად მოირწყვება, 900 ჰექტარზე კი, სარწყავი წყლის მიწოდება გაუმჯობესდება", - ნათქვამია საქართველოს მელიორაციის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),