2023-04-09 17:47:06, 789 ნახვა
საზოგადოება
ჯამლეტ ხუხაშვილი დღეს დაკრძალეს
ცნობილი კომენტატორი და საზოგადო მოღვაწე ჯამლეტ ხუხაშვილი დღეს ე.წ. დამპალოს სასაფლაოზე დაკრძალეს. ხუხაშვილის სამოქალაქო პანაშვიდი სპორტის სასახლეში მიმდინარეობდა.
კომენტატორის ოჯახის წევრებსა და ახლობლებს სამძიმარი რიგითმა მოქალაქეებმა, პოლიტიკოსებმა, სპორტსმენებმა და საზოგადოების სხვა წევრებმა გამოუცხადეს.
პანაშვიდს საქართველოს პრემიერ-მინისტრი ირაკლი ღარიბაშვილი, “ქართული ოცნების” თავმჯდომარე ირაკლი კობახიძე, ვიცე-პრემიერი, საქართველოს კულტურის, სპორტისა და ახალგაზრდობის მინისტრი თეა წულუკიანი და თბილისის მერი კახა კალაძე ესწრებოდნენ.
ცნობისთვის, ჯამლეტ ხუხაშვილი 5 აპრილს გარდაიცვალა. ხუხაშვილს დიდი წვლილი მიუძღვის ქართული სპორტის პოპულარიზაციასა და განვითარებაში.
ავტორი: ექსპრესნიუსი,
epn.ge (@expressnews.ge)
