რუსი სამხედრო ბლოგერის, ვლადლენ ტატარსკის აფეთქებაზე პასუხისმგებლობა ეროვნულმა რესპუბლიკურმა არმიამ აიღო. ამის შესახებ ინფორმაცია უკრაინაში მცხოვრებმა რუსეთის სახელმწიფო დუმის ყოფილმა დეპუტატმა, ილია პონომარიოვმა გაავრცელა.

რესპუბლიკური არმია აცხადებს, რომ უკრაინაში მოქმედ ანტიპუტინისტურ ჯგუფს წარმოადგენენ და სწორედ ისინი იღებენ პასუხისმგებლობას ტატარსკის  მკვლელობაზე, აქედან გამომდინარე მათ რუსეთის სახალხო დამცველს მოუწოდეს, რომ დაეხმარონ აფეთქებაში ეჭვმიტანილ დარია ტრეპოვასა და სხვა უდანაშაულო პირებს.

"ჩვენ მოვამზადეთ და განვახორციელეთ 2023 წლის 2 აპრილის ქმედება Z-აქტივისტების ჯგუფისა და პირადად ცნობილი წამქეზებლისა და ომის პროპაგანდისტის, სამხედრო დამნაშავე მაქსიმ ფომინის, ცნობილი, როგორც ვლადლენ ტატარსკის წინააღმდეგ. ეს ქმედება მომზადებული და განხორციელებულია ჩვენს მიერ დამოუკიდებლად და არ გვაქვს კავშირი, არც დახმარება მიგვიღია არანაირი უცხოური სტრუქტურისგან, მით უმეტეს სპეცსმასახურისგან", - წერია განცხადებაში. 

შეგახსენებთ, რომ 3 აპრილს, სანქტ-პეტერბურგის ცენტრში, კაფე „სტრიტ ბარში“ აფეთქება მოხდა, რომლის მსხვერპლი რუსი სამხედრო კორესპონდენტი ვლადლენ ტატარსკი გახდა. 

აღნიშნულ ფაქტზე საგამოძიებო კომიტეტმა სისხლის სამართლის საქმე რუსეთის ფედერაციის სისხლის სამართლის კოდექსის 105-ე მუხლის მე-2 ნაწილით აღძრა.

რუსი სამხედრო კორესპონდენტის, ვლადლენ ტატარსკის მკვლელობაში ეჭვმიტანილი, დარია ტრეპოვა დააკავეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს