საქართველოს თავდაცვის მინისტრის პირველმა მოადგილემ საფრანგეთის რესპუბლიკის ელჩთან გაცნობითი შეხვედრა გამართა. აღნიშნულის შესახებ ინფორმაციას საქართველოს თავდაცვის სამინისტრო ავრცელებს.

უწყების ცნობით, ლელა ჩიქოვანმა შერაზ გასრის საქართველოში ელჩის პოზიციაზე წარმატებული საქმიანობა უსურვა და იმედი გამოთქვა, რომ ორ ქვეყანას შორის თავდაცვის სფეროში ნაყოფიერი თანამშრომლობა გაგრძელდება. მინისტრის მოადგილემ ფრანგულ მხარეს პოლიტიკური და პრაქტიკული მხარდაჭერისთვის მადლობა გადაუხადა და რეგიონში უსაფრთხოების გამოწვევებისა და ევროპაში უსაფრთხოების ახალი არქიტექტურის ფონზე, საერთაშორისო პარტნიორებისა და საფრანგეთის მხარდაჭერის გაძლიერების მნიშვნელობაზე ისაუბრა.

„თავდაცვის სამინისტროში გამართულ შეხვედრაზე მხარეებმა საქართველოსა და საფრანგეთის თავდაცვის უწყებებს შორის სხვადასხვა მიმართულებით არსებული თანამშრომლობის საკითხები მიმოიხილეს და მომავალში თანამშრომლობის გაფართოების პერსპექტივებზე იმსჯელეს; აღინიშნა ევროკავშირის ეგიდით მიმდინარე სამხედრო-საწვრთნელ მისიაში (EUTM RCA) ერთობლივი კონტრიბუციის, „დიმიტრი ამილახვარის სტრატეგიული დიალოგის“ მნიშვნელობა, ნატო-საქართველოს არსებითი პაკეტის (SNGP) განხორციელების, თავდაცვის შესაძლებლობების გაძლიერების პროცესში საფრანგეთის წვლილი და აქტიური ჩართულობა.

საქართველოში საფრანგეთის რესპუბლიკის ახალმა საგანგებო და სრულუფლებიანმა ელჩმა თავდაცვის მინისტრთან, ჯუანშერ ბურჭულაძესთან შეხვედრა უკვე გამართა. შერაზ გასრი საქართველოში ელჩის თანამდებობაზე 2022 წლის ბოლოს დაინიშნა. წლების განმავლობაში ფრანგი დიპლომატი გაეროში, საფრანგეთის მუდმივ წარმომადგენლობაში პოლიტიკური მრჩევლის თანამდებობას იკავებდა“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა