რუსი სამხედრო ბლოგერის, ვლადლენ ტატარსკის მკვლელობა უკრაინელმა სპეცსამსახურებმა რუსი ოპოზიციონერის, ალექსეი ნავალნის მხარდამჭერების მონაწილეობით დაგეგმეს,- აღნიშნულის შესახებ განცხადებას რუსეთის ეროვნული ანტიტერორისტული კომიტეტი ავრცელებს.

როგორც განცხადებაშია ნათქვამი, ტატარსკის მკვლელობის საქმეზე დაკავებული დარია ტრეპოვა ალექსეი ნავალნის ერთ-ერთი მხარდამჭერია. 

"2 აპრილს სანქტ-პეტერბურგში ცნობილი ჟურნალისტის, ვლადლენ ტატარსკის წინააღმდეგ განხორციელებული ტერორისტული აქტი დაგეგმილი იყო უკრაინის სპეცსამსახურების მიერ, აგენტების მონაწილეობით, რომლებიც ნავალნის ე.წ. ანტიკორუფციულ ფონდთან თანამშრომლობენ. მისი აქტიური მხარდამჭერია დაკავებული დარია ტრეპოვა",- აღნიშნულია განცხადებაში.

შეგახსენებთ, რომ პარასკევს სანქტ-პეტერბურგის ცენტრში, კაფე „სტრიტ ბარში“ აფეთქება მოხდა, რომლის მსხვერპლი რუსი სამხედრო კორესპონდენტი ვლადლენ ტატარსკი გახდა. 

რუსეთის ფედერაციის ჯანდაცვის სამინისტროს ინფორმაციით, დაშავებულია 25 ადამიანი, 24 კი ჰოსპიტალიზებულია.

აღნიშნულ ფაქტზე საგამოძიებო კომიტეტმა სისხლის სამართლის საქმე რუსეთის ფედერაციის სისხლის სამართლის კოდექსის 105-ე მუხლის მე-2 ნაწილით აღძრა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს