კრემლის სპიკერმა დიმიტრი პესკოვმა Wall Street Journal-ის მოწოდებას ყველა რუსი ჟურნალისტის გაძევების შესახებ აბსურდული და არასწორი უწოდა.

პესკოვის აზრით, ამერიკის შეერთებული შტატებიდან რუსეთის წინააღმდეგ მსგავსი ზომების გატარების საფუძველი არ არსებობს.

მანვე დასძინა, რომ ყველა უცხოელ ჟურნალისტს, რომელსაც აქვს მოქმედი აკრედიტაცია, შეუძლიათ განაგრძნობ ჟურნალისტური საქმიანობა რუსეთში, ხოლო რაც შეეხება WSJ-ის დაკავებულ ჟურნალისტს, რომელიც ჯაშუშურ საქმიანობას ეწეოდა, მისი შედარება სხვა ჟურნალისტებთან დაუშვებელია.

„ყველა ჟურნალისტს, რომელსაც აქვს აქ მოქმედი აკრედიტაცია, ვგულისხმობ უცხოელ ჟურნალისტებს, მათ შეუძლიათ და განაგრძონ ჟურნალისტური საქმიანობა ჩვენს ქვეყანაში. WSJ-ის დაკავებული ჟურნალისტი ჯაშუშურ საქმიანობას ეწეოდა, მისი შედარება სხვა ჟურნალისტებთან დაუშვებელია, ხოლო რეალურ ჟურნალისტებს რუსეთში არანაირი შეზღუდვა არ ექმნებათ და იდეალურად მუშაობენ, ამ შემთხვევაში, კეთილსინდისიერი ჟურნალისტების უფლებების შეზღუდვა აბსურდული და არასწორი იქნება“, - განაცხადა პესკოვმა.

ცნობისთვის, რუსეთში Wall Street Journal-ის ჟურნალისტი, ევან გერშკოვიჩი ჯაშუშობის ბრალდებით დააკავეს. გერშკოვიცის წინააღმდეგ სისხლის სამართლის საქმე რუსეთის ფედერაციის სისხლის სამართლის კოდექსის 276-ე მუხლითაა (ჯაშუშობა) აღძრული. 

დღევანდელ განცხადებაში Wall Street Journal- მა აშშ-დან რუსეთის ელჩისა და რუსი ჟურნალისტების გაძევება მოითხოვა

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია