საფრანგეთის მთავრობამ მიეღო რეზონანსული კანონი საპენსიო ასაკის გაზრდის შესახებ, პარლამენტის ქვედა პალატაში კენჭისყრის გარეშე.

ღამით პარიზში, კონკორდის მოედანზე არეულობა დაიწყო. კანონის მიღების შემდეგ საპროტესტო აქციები განახლდა. პარიზში და მის შემოგარენში, კონკორდის მოედანზე, მომიტინგეებმა დაწვეს დაგროვილი ნაგავი და ქვები ესროლეს პოლიციელებს. პოლიციამ უპასუხა წყლის ჭავლით და ცრემლსადენი გაზის ყუმბარებით.

როგორც BBC-ის კორესპონდენტებმა განაცხადეს საღამოს პარიზში, პოლიციის დახურულმა რიგებმა, ფარებითა და ხელკეტებით, დემონსტრანტების უმეტესობა გააძევა მოედნიდან, მაგრამ ზოგიერთი მათგანი კვლავ ადგილზე დარჩა.

ეს კანონი უკიდურესად არაპოპულარულია ფრანგებში, მან გამოიწვია მასიური პროტესტი და გაფიცვები მთელ ქვეყანაში. მაგრამ პრეზიდენტი ემანუელ მაკრონი ამბობს, რომ ეს არის კრიტიკული რეფორმა, რომლის გარეშეც ქვეყნის ეკონომიკას სამწუხარო მომავალი ექნება მოსახლეობის დაბერების და საპენსიო ფონდების მზარდი დეფიციტის გამო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს