კანადამ რუსული ალუმინისა და ფოლადის იმპორტი აკრძალა. აღნიშნულის შესახებ ინფორმაციას Reuters-ი ავრცელებს.

Reuters-ის ცნობით, აკრძალვა მოიცავს ალუმინისა და ფოლადის პროდუქციას, როგორიც არის ალუმინის კონტეინერები და ფოლადის მილები.

კანადის ფინანსთა მინისტრის, კრისტია ფრილენდის განცხადებით, აღნიშნული გადაწყვეტილების მიზანია, შეზღუდოს მოსკოვის შესაძლებლობა, დააფინანსოს უკრაინაში ომი.

„უკრაინას შეუძლია და მან უნდა გაიმარჯვოს ამ ომში. ჩვენ ვაგრძელეთ ყველაფრის გაკეთებას, რაც შეგვიძლია, რათა შევწყვიტოთ ან შევზღუდოთ შემოსავალი, რომელიც გამოყენებულია უკრაინაში, პუტინის უკანონო და ბარბაროსული ინტერვენციის დასაფინანსებლად“,- განაცხადა ფრილენდმა.

Reuters-ის ცნობითვე, კანადამდე, თებერვალში აშშ-მა რუსულ ალუმინზე 200%-იანი ტარიფი დააწესა, ხოლო გასულ წელს ევროკავშირმა რუსული ფოლადის პროდუქტები სანქციების პაკეტში შეიტანა. 

გარდა ამისა, კანადას უკრაინაში ინტერვენციის გამო 1 600-ზე მეტი ფიზიკური და იურიდიული პირისთვის საქნციები აქვს დაწესებული.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს