აქცია გრძელდება, მომიტინგეებმა მელიქიშვილის გამზირზე გადაინაცვლეს

2023-03-09 06:38:52, 897 ნახვა

პოლიტიკა

ამ წუთებში აქციის მონაწილეები მელიქიშვილის გამზირზე იმყოფებიან, სადაც მათ პოლიცია თსუ-სკენ მსვლელობის დროს წამოეწია. მშვიდობიანი მოქალაქეები სკანდირებენ: "საქართველო", "არა რუსულ კანონს" და პოლიციის წინ ხელებაწეულები დგანან.

მანამდე აქციის მონაწილეები მეტრო "რუსთაველთან" იყვნენ. მათ ადგილზე ნაგვის ურნებისგან ბარიკადები აღმართეს. ადგილზე იწვის ნაგვის ურნები და სხვადასხვა ნივთი. აქციის მონაწილეების ნაწილი კი კოსტავას ქუჩაზე გადავიდა.

პარალელურად, მიმდინარეობს მოქალაქეების დაკავება.

რუსთაველის გამზირზე, პარლამენტის მიმდებარე ტერიტორია კი თითქმის მთლიანად სამართალდამცველებს აქვთ დაკავებული.

რუსთაველის გამზირზე რობოკოპებმა და სპეცდანიშნულების რაზმებმა აქციის მონაწილეები საბოლოოდ დაშალეს. მომიტინგეთა დევნის ოპერაცია სასტუმრო "თბილისი მერიოტიდან" დაიწყო, გზად პოლიციელებმა დაიწყეს მოქალაქეების დაკავება, მათ შორის ძალადობრივი მეთოდებით დაკავების ფაქტებიც იყო.

"ექსპრესნიუსის" კორესპონდენტის ცნობით, აქციის მონაილეთა დაკავება ასევე მიმდინარეობს რუსთაველის გამზირის პარალერულ ქუჩებზეც.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,