საქართველოს ხელისუფლება უარს ამბობს ყოფილი პრეზიდენტის, მიხეილ სააკაშვილის ადეკვატურ სამედიცინო დახმარებაზე, აყენებს მას სიკვდილის, მუდმივი ინვალიდობისა ან ჯანმრთელობის სხვა შეუქცევადი ზიანის საფრთხის წინაშე, - ამის შესახებ ნათქვამია განცხადებაში, რომელსაც Amnesty International-ი და Human Rights Watch-ი ავრცელებენ.

ერთობლივ განცხადებაში ხაზგასმულია, რომ ხელისუფლებას არ ჰქონია რეაგირება ორგანიზაციების შეშფოთებაზე, რაც მიმდინარე წლის 10 თებერვალს საქართველოს იუსტიციის სამინისტროსადმი გაგზავნილ  ერთობლივ წერილში გამოთქვეს.

„მიხეილ სააკაშვილისთვის ადეკვატურ სამედიცინო დახმარებაზე უარის თქმა შეიძლება წამებას ან სხვა სასტიკ, არაადამიანურ ან ღირსებისშემლახავ მოპყრობას წარმოადგენს და მის სიცოცხლეს სერიოზული რისკის ქვეშ აყენებს... საქართველოს ხელისუფლებამ სასწრაფოდ უნდა მიიღოს ზომები სააკაშვილის ჯანმრთელობის დასაცავად, მათ შორის, განიხილოს მისი გათავისუფლება სამედიცინო ნიშნით“, - ამბობს Amnesty International-ის აღმოსავლეთ ევროპისა და ცენტრალური აზიის დირექტორის მოადგილე დენის კრივოშეევი.

Human Rights Watch-ის ევროპისა და ცენტრალური აზიის დირექტორის, ჰიუ უილიამსონის განცხადებით კი, საქართველოს ხელისუფლებამ უნდა მიიღოს ზომები, რომლებიც აუცილებლობის შემთხვევაში, პატიმრობიდან გაათავისუფლებს იმ პირებს, რომელთა პატიმრობაში დარჩენა ჯანმრთელობის მდგომარეობის გამო შეუძლებლად მიიჩნევა.

„პატიმრობა არ უნდა ნიშნავდეს სასიკვდილო განაჩენს, სადაც განკურნებადი პირობები ტრაგიკულად ფატალური ხდება“, - თქვა ჰიუ უილიამსონმა.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა