სამწუხარო ფაქტია, რომ ჯერ კიდევ ვერ ხერხდება უკრაინაში უსასტიკესი ომის შეჩერება - სამწუხარო ფაქტია, რომ პარალელურად, ჯერ კიდევ გრძელდება ჰიბრიდული ომი საქართველოს წინააღმდეგ,- ამის შესახებ "ქართული ოცნების" აღმასრულებელი მდივანი მამუკა მდინარაძე სოციალურ ქსელში წერს.

მდინარაძის განცხადებით, საქართველო, როგორც ჰუმანიტარული დახმარების, ასევე საერთაშორისო პლატფორმებზე უკრაინის მხარდაჭერის კუთხით, მოწინავე ადგილს იკავებს.

"ერთი წელი გავიდა, რაც უკრაინაში რუსეთის საოკუპაციო, აგრესიული ომი მიმდინარეობს. შედეგად ათიათასობით სამხედრო და სამოქალაქო პირია დაღუპული, ლტოლვილი და დევნილი გახდა მილიონობით უკრაინელი, განადგურებულია ქვეყნის ინფრასტრუქტურის მნიშვნელოვანი ნაწილი. 

ამ უდიდესი ტრაგედიის პარალელურად, გასული ერთი წლის განმავლობაში, ჩვენი ქვეყანა ჰიბრიდული ომის სამიზნე და ობიექტი გახდა იმის მიუხედავად, რომ საქართველო მოწინავეა, როგორც ჰუმანიტარული დახმარების, ასევე საერთაშორისო პლატფორმებზე უკრაინის მხარდაჭერის კუთხით. იყო კამპანიური მცდელობები მას შავი ხვრელობა და სანქციების გვერდის ავლა დაბრალებოდა, თუმცა ერთი მტკიცებულებაც კი ვერავინ დადო ამ ხნის განმავლობაში! იყო პირდაპირი თუ ირიბი მოწოდებები საქართველო ომში ჩართულიყო, - ესეც კამპანიური ხასიათის, თუმცა საქართველომ ამ შემოტევებსაც გაუძლო...

სამწუხარო ფაქტია, რომ ჯერ კიდევ ვერ ხერხდება უკრაინაში უსასტიკესი ომის შეჩერება. 
სამწუხარო ფაქტია, რომ პარალელურად, ჯერ კიდევ გრძელდება ჰიბრიდული ომი საქართველოს წინააღმდეგ მისი საერთაშორისო იმიჯის დაზიანების და ქვეყნის ტერიტორიის მეორე ფრონტად ქცევის მიზნით...

ჩემი მხარდაჭერა უკრაინელ ხალხს, უკრაინას, მის სუვერენიტეტსა და ტერიტორიულ მთლიანობას!
ჩემი პატივისცემა გმირ სამხედროებს და მოხალისეებს! დიდება საქართველოს! დიდება უკრაინას!" - წერს მდინარაძე "ფეისბუქის" საკუთარ გვერდზე.

ავტორი: NS (სტატია დაფინანსებულია),

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს