უკრაინა გახდება ნატო-ს წევრი, ამაზე მუშაობის დაწყება უკვე შესაძლებელია,- ამის შესახებ დიდი ბრიტანეთის პრემიერ-მინისტრმა, რიში სუნაკმა განაცხადა.

სუნაკის თქმით, უკრაინის ნატო-ში გაწევრიანების გზაზე აუცილებელია, ქვეყანა უზრუნველყოფილი იყოს ნატო-ს სტანდარტების სამხედრო ტექნიკით, ასევე აუცილებელია შეიარაღებული ძალების გადამზადება

"ვეთანხმები ნატო-ს გენერალურ მდივანს, იენს სტოლტენბერგს, რომელმაც განაცხადა, რომ უკრაინა ნატოს წევრი გახდება. თუმცა, ჩვენ ასევე უნდა ვკონცენტრირდეთ დღევანდელ სიტუაციაზე. ჩვენ უნდა დავრწმუნდეთ, რომ უკრაინის უსაფრთხოების მხარდაჭერისკენ მიმართული გრძელვადიანი გეგმა გაგვაჩნია - ამის ნაწილია ის წვრთნები, რომლებსაც ახლა ვატარებთ.

ეს არის კარგი მაგალითი იმისა, თუ რისი გაკეთება გვინდა. რადგან ნატოს წევრობის გზაზე აუცილებელია უკრაინას მივაწოდოთ ალიანსის რაც შეიძლება მეტი სტანდარტული აღჭურვილობა, ასევე სხვადასხვა ქვეყნის ყველა ძალების თავსებადობა უნდა უზრუნველყოთ, ამიტომ უკრაინელი მფრინავების მომზადება ნატოს ტაქტიკით ასევე ამ პროცესის ნაწილია. ეს ის საკითხებია, რომლებზეც მუშაობის დაწყება უკვე შეგვიძლია. და ჩვენ უნდა ვიმუშაოთ იმაზე, რომ გავაძლიეროთ უკრაინის უსაფრთხოება გრძელვადიან პერსპექტივაში",- განაცხადა სუნაკმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს