არჩევანი - დასავლეთი თუ რუსეთი, რაც არის რეალური არჩევანი დღეს, ნელ-ნელა ჩაანაცვლეს არჩევანით - ომი თუ მშვიდობა, რაც ყალბი არჩევანია,- ასე შეაფასა "გირჩი-მეტი თავისუფლების" ლიდერმა, ზურაბ ჯაფარიძემ პრემიერ-მინისტრ ირაკლი ღარიბაშვილის მიუნხენის უსაფრთხოების კონფერენციაზე გაკეთებული განცხადებები.

ჯაფარიძის თქმით, საქართველოს, როგორც პატარა ქვეყანას, არ აქვს უფლება თავად განსაზღვროს საკუთარი მომავალი (დასავლეთში, ნატოსა და ევროკავშირში), რადგან რუსეთს გააჩნია მისი ინტერესები კავკასიაში რომლებიც გასათვალისწინებელია დასავლეთის მიერ.

"ღარიბაშვილის მიუნხენის ‘გამოსვლაზე’

ჯერ ერთი არანაირი გამოსვლა არ ყოფილა. არავის აინტერესებს იქ დღევანდელ მოცემულობაში რუსეთის წინაშე გაწოლილი ბიძინას მოურავის გამოსვლა. პანელური დისკუსია იყო კავკასიაზე, ორი კითხვა დაუსვეს და მათზე პასუხად იბოდიალა ის რასაც ახლა ‘გამოსვლად’, ‘მიმართვად’ და ‘სიტყვად’ ასაღებენ.

რა მოვისმინეთ ამ კონფერენციაზე დასავლეთის ქვეყნების ლიდერებისგან:

- რუსეთმა ჩაიდინა კაცობრიობის წინაშე დანაშაულები
- რუსეთმა უნდა აგოს პასუხი
- რუსეთის დამარცხება გარდაუვალია
- უკრაინა გაიმარჯვებს
- უკრაინა ბოლომდე აღიდგენს ტერიტორიულ მთლიანობას
- ჩვენ დავეხმარებით უკრაინას ბოლომდე, სანამ ეს მიზნები არ იქნება მიღწეული
- ჩვენ ვზრდით თავდაცვის დაფინანსებას და სამხედრო შეიარაღების წარმოებას
- არავის უნდა ეგონოს რომ მსგავსი ქცევა ვინმეს ეპატიება

რა მოვისმინეთ ღარიბაშვილისგან:

- ომი ცუდია
- მშვიდობა კარგია
- ჩვენ მხარს ვუჭერთ მშვიდობას
- დასხდნენ ამერიკა, ევროპა, ჩინეთი და რუსეთი და დაამყარონ მშვიდობა

ანუ სტანდარტული რუსული ნარატივი: 

1. დიდმა მოთამაშეებმა დაალაგონ ურთიერთობა საკუთარი ინტერესებიდან გამომდინარე 
2. პატარებს (მათ შორის უკრაინას) არავინ არაფერს ეკითხება 
3. ომი უკრაინაში რუსეთის ბრალი კი არ არის, იმის ბრალია რომ დიდმა მოთამაშეებმა რაღაც ვერ გაიყვეს.

საქართველოზე რომ გადმოვათამაშოთ, ჩვენ, როგორც პატარა ქვეყანას, არ გვაქვს უფლება თავად განვსაზღვროთ საკუთარი მომავალი (დასავლეთში, ნატოსა და ევროკავშირში), რადგან რუსეთს გააჩნია მისი ინტერესები კავკასიაში რომლებიც გასათვალისწინებელია დასავლეთის მიერ.

ის რასაც პუტინი ლაპარაკობს წლებია.

ოღონდ ეს ყველაფერი შეფუთულია ‘მშვიდობის’ სოუსში.

‘მშვიდობას’ ყიდიან ომით დაშინებულ ხალხზე.

არჩევანი - დასავლეთი თუ რუსეთი, რაც არის რეალური არჩევანი დღეს, ნელ-ნელა ჩაანაცვლეს არჩევანით - ომი თუ მშვიდობა, რაც ყალბი არჩევანია (სინამდვილეში პირიქითაა, გრძელვადიანი მშვიდობა სწორედ ნატო და დასავლეთია), მაგრამ ეფექტურად მუშაობს.

ეგეც რუსული ამბავია, ბევრჯერ ნაცადი. სულ მშვიდობას გვტენიდნენ ეგ დედააფეთქებულები.
2008-შიც операция по принуждению к миру ჩაატარეს (უკრაინაში ომსაც იგივეს ეძახიან).

აფხაზეთსა და სამაჩაბლოშიც ‘მშვიდობა დაამყარეს’ 1990-იანებში და ‘მშვიდობისმყოფელები’ ჩააყენეს.
1921-შიც წესრიგის და მშვიდობის დასამყარებლად შემოლაგდნენ.

1783-შიც მშვიდობის დაპირება მოგვყიდეს (‘ახლა კი დროა, სოლომონ, რომა მშვიდობა ნახოს საქართველომა’).

2 საუკუნეზე მეტია ერთი ტყუილით გვაბოლებენ.

იქნებ როგორმე ამჯერად აღარ დავა&^%ვებინოთ თავი და გავუშვათ რუსული სამხედრო ხომალდის მიმართულებით?",- წერს ჯაფარიძე.

შეგახსენებთ, რომ 18 თებერვალს, საქართველოს პრემიერ-მინისტრმა, ირაკლი ღარიბაშვილმა მიუნხენის უსაფრთხოების კონფერენციის ფარგლებში გამართულ თემატურ პანელურ დისკუსიაში მიიღო მონაწილეობა. 

ირაკლი ღარიბაშვილმა მესამე პრეზიდენტის ჯანმრთელობის მდგომარეობაზე საუბრისას განაცხადა, რომ  "მიხეილ სააკაშვილის დაბრუნების მიზანი იყო რევოლუციის მოხდენა და მასობრივი მკვლელობების ინსპირირება". გარდა ამისა, მან ისაუბრა უკრაინაში მიმდინარე ომზე და აღნიშნა, რომ "რთულია ითქვას, რა მოხდება, სად იქნება ევროპა უკრაინის ომის შემდეგ".

ავტორი: ექსპრესნიუსი,

სოციალური ქსელები

ირანი და ომანი ჰორმუზის სრუტეში გადასასვლელად გადასახადს არ დააწესებენ

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა