"ერთიანი ნაციონალური მოძრაობის" ორგანიზებით, ხელვაჩაურსა და ბორჯომში საქართველოს მესამე პრეზიდენტის მხარდამჭერი აქციები იმართება. აქციებზე ოპოზიციური პარტიის ლიდერები, აქტივისტები და მოქალაქეები არიან შეკრებილი.

აქციაზე შეკრებილები მიხეილ სააკაშვილის საზღვარგარეთ სამკურნალოდ გადაყვანას მოითხოვენ.

"ჩვენი ამოცანაა, ჩვენი ვალია, რომ ორგანიზმში სისხლი ავამოძრაოთ იმისთვის, რომ ხალხმა ირწმუნოს, რომ მათი აქტიურობით შესაძლებელია რაღაცის შეცვლა; მათი აქტიურობით შესაძლებელია, რომ მიხეილ სააკაშვილს დავეხმაროთ. ადამიანი, რომელიც განასახიერებს ევროპას, ინოვაციებს, პროგრესს, ქვეყანაში შემოდინებულ ინვესტიციებს, ეს არის ყველაფერი მიხეილ სააკაშვილი, მეორე მხარეს არის სიბნელე", - უთხრა "ტვ პირველს" ბორჯომში მიმდინარე აქციაზე ენმ-ის გენერალურმა მდივანმა, პეტრე ცისკარიშვილმა. 

აღსანიშნავია, რომ ხელვაჩაურისა და ბორჯომის გარდა, დღეს აქცია ზესტაფონსა და სიღნაღშიც არის დაანონსებული.

რეგიონებში გასვლამდე "ერთიანმა ნაციონალურმა მოძრაობამ" აქციები პრემიერ-მინისტრ ირაკლი ღარიბაშვილის სახლთან, მთავრობის ადმინისტრაციასა და იუსტიციის სამინისტროსთან გამართა. 

ენმ-მა საპროტესტო აქციები მას შემდეგ დააანონსა, რაც თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ 6 თებერვალს მიიღო.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით