პარასკევს სენატორები ლინდსი გრეჰემი, რიჩარდ ბლუმენტალი და შელდონ უაითჰაუსი შეხვდნენ პრეზიდენტ ვოლოდიმირ ზელენსკის და სხვა მთავრობის წარმომადგენლებს უკრაინაში შეხვდნენ. ამის შესახებ ინფორმაციას CNN ავრცელებს.

შეხვედრა მას შემდეგ გაიმართა, რაც გერმანიამ ვერ მიაღწია შეთანხმებას თავის მთავარ დასავლელ მოკავშირეებთან  უკრაინაში Leopard 2 ტანკების გაგზავნის თაობაზე რამდენიმედღიანი მოლაპარაკებების შემდეგ.

სენატორების თქმით, მათ საერთო მიზანი აქვთ, რაც გულისხმობს რუსეთის ჯარების განდევნას უკრაინიდან, ამ მიზნის მისაღწევად კი უკრაინელ სამხედროებს ტანკები ესაჭიროებათ, მათ მოუწოდეს გერმანელებს გაგზავნონ ტანკები უკრაინაში პუტინის დასამარცხებლად, პუტინის დამარცხება შედის როგორც გერმანიის, ასევე მშვიდობიანი სამყაროს ინტერესებში

"ჩვენ სამივეს, ერთ რესპუბლიკელსა და ორ დემოკრატს, ერთი და იმავე მიზანი გვაქვს – უკრაინამ რუსები უკრაინიდან განდევნოს. ამ მიზნის მისაღწევად უკრაინელ სამხედროებს ტანკები სჭირდებათ. დავიღალეთ სპექტაკლებით იმასთან დაკავშირებით, ვინ აპირებს ტანკების გაგზავნას და როდის აპირებს მათ გაგზავნას. პუტინი ცდილობს იარაღის ძალით გადაწეროს ევროპის რუკა. მსოფლიო წესრიგი საფრთხის ქვეშ დგას". – ნათქვამია სენატორი გრეჰემის განცხადებაში.

შეგახსენებთ, Leopard 2 ტანკები განიხილება, როგორც სასიცოცხლოდ მნიშვნელოვანი, თანამედროვე სამხედრო მანქანა, რომელიც გააძლიერებს კიევის ძალებს, როდესაც რუსეთთან ომი ერთწლიან ნიშნულს უახლოვდება.

ავტორი: ექსპრესნიუსი,

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს