მარადიული ხსოვნა ყველას, ვისაც ამ შავმა დილამ სიცოცხლე წაართვა,- ასე გამოეხმაურა უკრაინის პრეზიდენტი ვოლოდიმირ ზელენსკი კიევის ოლქის ქალაქ ბროვარიში მომხდარ ტრაგედიას.

ზელენსკიმ უკრაინის უსაფრთხოების სამსახურს, ეროვნულ პოლიციას და სხვა უფლებამოსილი ორგანოების თანამშრომლებს მომხდარის ყველა გარემოების გარკვევა დაავალა.

"დღეს კიევის რეგიონში, ბროვარიში, საშინელი ტრაგედია მოხდა. ჩამოვარდა საგანგებო სიტუაციების სამსახურის ვერტმფრენი, ავარიის ადგილზე ხანძარი გაჩნდა.

ამ წუთის მონაცემებით, 15 ადამიანი დაიღუპა. ტრაგედიის შედეგად დაღუპულთა ზუსტი რაოდენობა დგინდება. მათ შორის არიან უკრაინის შინაგან საქმეთა მინისტრი დენის მონასტირსკი, მისი პირველი მოადგილე ევგენი იენინი, შინაგან საქმეთა სამინისტროს სახელმწიფო მდივანი იური ლუბკოვიჩი, მათი თანაშემწეები და ვერტმფრენის ეკიპაჟი.

დაშავდა 25 ადამიანი, მათ შორის 10 ბავშვი. ამ დროისთვის 3 ბავშვი დაიღუპა. ენით აუღწერელი ტკივილია, ვერტმფრენი ერთ-ერთი საბავშვო ბაღის ტერიტორიაზე დაეცა.

უკრაინის უსაფრთხოების სამსახურს, უკრაინის ეროვნულ პოლიციას და სხვა უფლებამოსილი ორგანოების თანამშრომლებს, მომხდარის ყველა გარემოების გარკვევა დავავალე.

ტრაგედიის ადგილზე ყველა სამსახური მუშაობს.

ვუსამძიმრებ დაღუპულთა ოჯახის წევრებს და მეგობრებს!

დენის, ევგენი, იური, შინაგან საქმეთა სამინისტროს გუნდი... უკრაინის ნამდვილი პატრიოტები.

მარადიული ხსოვნა! ხსოვნა ყველას, ვისაც სიცოცხლე წაართვა ამ შავმა დილამ!",- წერს ზელენსკი.

შეგახსენებთ, რომ ცოტახნის წინ კიევის ოლქის ქალაქ ბროვარიში, საბავშვო ბაღის სიახლოვეს ვერტმფრენი ჩამოვარდა, რის შედეგადაც 18 ადამიანი დაიღუპა, მათ შორის 3 ბავშვი. სხვადასხვა სიმძიმის დაზიანებები მიიღო 26 ადამიანმა, მათ შორის 12 ბავშვია.

ამასთან, ავიაკატასტროფას უკრაინის შინაგან საქმეთა მინისტრის, დენის მონასტირსკის, მისი პირველი მოადგილის, ევგენი ენინის და შინაგან საქმეთა სამინისტროს სახელმწიფო მდივანის სიცოცხლე ემსვერპლა

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი