ზელენსკის კიკაბიძის დაკრძალვის პროცესის ორგანიზებაში მონაწილეობის მიღება სურს,- ამის შესახებ ინფორმაციას საქართველოს მესამე პრეზიდენტის დედა, გიული ალასანია ავრცელებს.

მისი თქმით, ამის შესახებ ინფორმაცია უკრაინის რეფორმების საბჭოში შევიდა.

„ძალიან ბევრს დაწყვიტა გული, რა თქმა უნდა, დღევანდელმა დღემ და ყველას მინდა მივუსამძიმრო. მე პირადად ვეკუთვნი იმ უმცირესობას ვისაც გვახსოვს მისი პირველად სცენაზე გამოჩენა. ახლო მეგობარი იყო, ძალიან ბევრს აკეთებდა ეს ადამიანი იმისთვის რომ გადაერჩინა ჩემი შვილის სიცოცხლე.  უკრაინის პრეზიდენტის კანცელარიიდან დარეკეს რეფორმების ოფისში, რომელსაც დღემდე ხელმძღვანელობს ჩემი შვილი და იქ შეატყობინეს, რომ უკრაინის პრეზიდენტი, ვოლოდიმირ ზელენსკი არის შოკში ამ ამბის გამო და მას აქვს ძალიან დიდი სურვილი, რომ ჩაერთოს ბუბას დაკრძალვის ორგანიზებას",- განაცხადა ალასანიამ.

შეგახსენებთ, რომ ქართველი კინომსახიობი, საესტრადო მომღერალი, სცენარისტი და კინორეჟისორი ვახტანგ (ბუბა) კიკაბიძე 84 წლის ასაკში გარდაიცვალა.

ბუბა კიკაბიძეს 19 იანვარს დაკრძალავენ. სამოქალაქო პანაშვიდები 17 და 18 იანვარს ქაშვეთის ეკლესიაში გაიმართება.

19 იანვარს კი მას თბილისის დიდი საკონცერტო დარბაზიდან გამოასვენებენ.

ავტორი: ექსპრესნიუსი,

სოციალური ქსელები

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე