|
2022-12-26 09:37:40, 836 ნახვა
საზოგადოება
UNESCO-ს საგრანტო პროექტის ფარგლებში, დაცული ტერიტორიების სააგენტოს წარმომადგენლები ტრენერებად გადამზადდნენ
UNESCO-ს პირველი საგრანტო პროექტის “მდგრადი ტურიზმისა და კერძო სექტორის ჩართულობის ხელშეწყობა საზოგადოების ინკლუზიური განვითარებისთვის Covid-19 კრიზისის საპასუხოდ” ფარგლებში, დაცული ტერიტორიების სააგენტოს წარმომადგენლები, კვალიფიკაციის ამაღლების მიზნით, ტრენერებად გადამზადნენ. სასწავლო კურსის დასრულების შემდეგ, ტრენერებმა მიღებული ცოდნა UNESCO-ს პროექტის ფარგლებში დასაქმებულ მოხალისეებს, ადგილობრივ მოსახლეობას და მსოფლიო ბუნებრივი მემკვიდრეობის უბნის წარმომადგენლებს გაუზიარეს და UNESCO-ს უბნის მართვის საკითხები გააცნეს. დაცული ტერიტორიების სააგენტოს ტრენერების მიერ ჩატარებულ ტრენინგს დაცული ტერიტორიების სააგენტოს თავმჯდომარის მოადგილეები თამარ ხახიშვილი და თომა დეკანოიძე, ასევე UNESCO-ს ექსპერტი პიტერ დებრინი ესწრებოდნენ. სტუმრებმა დადებითად შეაფასეს ტრენერების მუშაობა და მათ UNESCO-ს ოფიციალური სასწავლო კურსის გავლის დამადასტურებელი სერთიფიკატები გადასცეს. გადამზადებული ტრენერები სამომავლოდ დაცული ტერიტორიების სააგენტოს სისტემის თანამშრომელთა და ტერიტორიების ირგვლივ მაცხოვრებელთათვის სისტემატიურად განახორციელებენ ტრენინგთა ციკლს. UNESCO-ს პროექტი “მდგრადი ტურიზმისა და კერძო სექტორის ჩართულობის ხელშეწყობა საზოგადოების ინკლუზიური განვითარებისთვის Covid-19 კრიზისის საპასუხოდ” GIZ-ის ფინანსური მხარდაჭერით, UNESCO-ს, დაცული ტერიტორიების სააგენტოსა და დაცული ტერიტორიების განვითარების ფონდის მიერ ხორციელდება და კოლხური ტყეებისა და ჭარბტენიანი ტერიტორიების პოპულარიზაციას ისახავს მიზნად.
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ვიდეო/LIVE პატრიარქის ილია მეორის დაკრძალვა - პირდაპირი
|


ავტორი: NS (სტატია დაფინანსებულია),



epn.ge (@expressnews.ge)