ერთხელ პუტინიც ახსენე, ირაკლი, შენი რეალური მტერი, არა?!,- ასე გამოხმაურა ამერიკელი რესპუბლიკელი კონგრესმენი, ადამ კინზინგერი "ქართული ოცნების" თავმჯდომარის, ირაკლი კობახიძის კომენტარს, სადაც მან უკრაინისა და მოლდოვის პრეზიდენტები გააკრიტიკა. 

კინზინგერი თქმით, ირაკლი კობახიძე უნდა იცნობდეს "იმ ტიპს, ვინც მის ქვეყანაში შემოიჭრა, დახოცა ხალხი და განაგრძობს ოკუპაციას".

"ერთხელ პუტინიც ახსენე, ირაკლი... იცნობ იმ ტიპს, ვინც შენს ქვეყანაში შემოიჭრა, დახოცა ხალხი და განაგრძობს ოკუპაციას? შენი ნამდვილი მტერი... ხომ?",- წერს კინზინგერი.

შეგახსენებთ, რომ მანამდე ვოლოდიმირ ზელენსკიმ საქართველოს მთავრობას მოუწოდა, რომ მიხეილ სააკაშვილისთვის საშობაოდ სასჯელი გადაევადებინათ და სამკურნალოდ უკრაინულ, ევროპულ ან ამერიკულ კლინიკაში გადაეყვანათ. უკრაინის პრეზიდენტის ამ მოთოვნას, მოლდოვის პრეზიდენტი მაია სანდუც შეუერთდა. 

ამის საპასუხოდ, კობახიძემ აღნიშნა, რომ სააკაშვილზე ზელენსკის განცხადება მნიშვნელოვანი ვერ იქნება, ხოლო სანდუმ "თავის მე-6 პრეზიდენტს უნდა მიხედოს".

ავტორი: ექსპრესნიუსი,

სოციალური ქსელები

ფასდაკლებული პროდუქტის სამთავრობო პორტალი ჩაირთო

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით

საქმე ეხება ფსიქოტროპული წამლებით უკანონო ვაჭრობას - დაკავებულია 17 პირი

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა