ფრაქცია "ერთიანი ნაციონალური მოძრაობა" გეგმავს, რომ შეადგინოს "მიხეილ სააკაშვილის" სია, რომელიც იქნება კარამურზას სიის მსგავსი და მასში შევა ყველა ის ადამიანი, რომელმაც საქართველოს მესამე პრეზიდენტის უფლებები დაარღვია. 

როგორც ხატია დეკანოიძემ პარლამენტში გამართულ ბრიფინგზე განაცხადა, სიაში შევლენ ის ადამიანებიც, რომლებიც  ვინ მიხეილ სააკაშვილის კადრების გასაჯაროებაში მონაწილეობდნენ. 

"ვფიქრობ, ძალიან მნიშვნელოვანია, რომ ჩვენ დავიწყოთ მუშაობა "სააკაშვილის სიაზე", რომელშიც შევა ყველა ის ადამიანის უფლებების დამრღვევი, ვინ ამ დანაშაულებრივ სქემაში არიან ჩართულები, მათ შორის კადრების გასაჯაროებაში, რომელიც იყო პირდაპირი ნიშნული, როგორი ხარისხით უყურებს ხელისუფლება ადამიანს, პატიმარს, საქართველოს მესამე პრეზიდენტს, რომლის ჯანმრთელობის მდგომარეობა ძალიან მძიმეა",- განაცხადა დეკანოიძემ.

შეგახსენებთ, რომ 14 დეკემბერს სპეციალურმა პენიტენციურმა სამსახურმა მიხეილ სააკაშვილის დამონტაჟებული კადრები გაავრცელა, რომელიც "ვივამედში", 9 აგვისტოდან 12 დეკემბრის ჩათვლით სხვადასხვა პერიოდს ასახავს. უწყებამ კადრების გასაჯაროება „მაღალი საზოგადოებრივი ინტერესით“ ახსნა.

აღნიშნულს წინ უძღოდა მესამე პრეზიდენტის სასამართლო პროცესი, რომელზეც პენიტენციურმა სამსახურმა "ტექნიკური მოწყობილობების არარსებობის" გამო, "ვივამედიდან" მიხეილ სააკაშვილის ონლაინ დასწრება არ უზრუნველყო. საპასუხოდ, ექსპრეზიდენტმა შიმშილობა გამოაცხადა, თუმცა მოგვიანებით გაავრცელა განცხადება, რომ ევროპარლამენტარების თხოვნით, შიმშილობას წყვეტდა.

ავტორი: ექსპრესნიუსი,

სოციალური ქსელები

რა წერია საქართველოს შესახებ PACE-ს რეზოლუციაში - სრულად

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“