|
2022-12-16 10:56:24, 1356 ნახვა
ეკონომიკა
აშშ-ის ბაზარზე ქართულ ღვინის საექსპორტო პოტენციალის გაზრდის მიზნით, ღვინის ეროვნული სააგენტო სხვადასხვა ღონისძიებას ახორციელებს
ღვინის ეროვნული სააგენტოს მხარდაჭერით, საქართველოში ამერიკელი ღვინის პროფესიონალების ტური განხორციელდა. სტუმრებს შორის იყვნენ ღვინის თემატიკაზე მომუშავე ჟურნალისტები და მარკეტოლოგები. ტურის მონაწილეები ქართული ღვინის მწარმოებელ კომპანიებს კახეთსა და ქართლში ეწვივნენ, სადაც ქართული ღვინის დაყენების ისტორიას და ტრადიციებს გაეცნენ, ადგილზე დააგემოვნეს როგორც კლასიკური წესით, ასევე ტრადიციული მეთოდით დამზადებული ქართული ღვინოები. ვიზიტს ორგანიზება ღვინის ეროვნული სააგენტოს კონტრაქტორმა ამერიკულმა მარკეტინგულმა კომპანიამ „Colangelo & Partners" გაუკეთა. „ღვინის ეროვნულ სააგენტოსთან მიმდინარე წელს ვითანამშრომლეთ ქართული ღვინის პოპულარიზაციის პროგრამების განხორციელების მიმართულებით, რაც მოიცავდა სხვადასხვა ღონისძიებას აშშ-ში ქართული ღვინის შესახებ ცნობადობის ამაღლებისა და ექსპორტის გაზრდის მიზნით. აღნიშნული ინტეგრირებული პროგრამა გულისხმობს აქტივობებს ვაჭრობის განვითარების მიმართულებით, საერთაშორისო გამოფენებზე მონაწილეობას, ღვინის მწერლებთან და ღვინის მაღაზიებთან მუშაობას. აშშ-ში ჩვენ ვხედავთ გაზრდილ ინტერესს ქართული ღვინის მიმართ, ღვინის მწერლები სულ უფრო მეტს წერენ ქართული ღვინის შესახებ, ამერიკელი მომხმარებელი ყოველთვის ეძებს უნიკალურ ღვინოს, ღვინის ტურიზმს და ამ მხრივ ქართული ღვინო აშშ-ისთვის ძალიან საინტერესო და უნიკალურია", - აღნიშნა ერინ ჰილმა, „Colangelo & Partners"-ის წარმომადგენელმა. პოტენციური იმპორტიორების მოძიებისა და ექსპორტის ზრდის შესაძლებლობის გათვალისწინებით, ქართული ღვინის წარდგენა ამერიკელი პროფესიონალების წინაშე განსაკუთრებით მნიშვნელოვანია, რადგან ეს ქვეყანა წარმოადგენს ქართული ღვინის ერთ-ერთ სტრატეგიულ საექსპორტო ბაზარს, სადაც, მიმდინარე წლის 11 თვის მონაცემებით, ექსპორტირებულია ერთ მილიონამდე ბოთლი ღვინო, რაც 2%-ით აღემატება გასული წლის ანალოგიურ მაჩვენებელს. ამერიკის შეერთებულ შტატებში 2021 წელს დაფიქსირდა ქართული ღვინის ექსპორტის ისტორიული მაქსიმუმი, 1 მილიონზე მეტი ბოთლი ღვინო.
იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება
მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა
სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში
ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)