ხელისუფლება მალავს სააკაშვილს და არ უნდა მისი გამოჩენა, რადგან სულელი ამ ქვეყანაშია არავინ არ არის, - ამის შესახებ ოპოზიციონერმა პოლიტიკოსმა, გიგი უგულავამ თბილისის საქალაქო სასამართლოსთან მიმდინარე აქციაზე განაცხადა. 

უგულავას თქმით, ის ფაქტი, რომ  ყოფილი პრეზიდენტი სასამართლოზე არ მიიყვანეს არის სირცხვილია და "სტალინის ეპოქაზე უარესი ხდები".

"ხელისუფლება უბრალოდ მალავს სააკაშვილს და არ უნდა მისი გამოჩენა, რომ საზოგადოებამ მისი სურათი ნახოს, რადგან სულელი ამ ქვეყანაშია არავინ არ არის და ავადმყოფ ადამიანს და ჯანმრთელის ადამიანის გარჩევა იცის ყველამ - პატარა და დიდმაც. ფაქტი არის, რომ ჩვენ გვაქვს უკვე ყველაფრის უგულებელყოფასთან საქმე, იმიტომ რომ დედამიწის ზურგზე - ბერია მიიყვანეს სასამართლოზე და საბჭოთა კავშირი არ აკეთებდა იმას,რომ ადამიანი სასამართლოზე არ მიეყვანათ, ეს არის სირცხვილია, თუ ადამიანი სასამართლოზე არ მიგყავს ჩრდილოეთ კორეაც არა ხარ, საბჭოთა კავშირი, სტალინის ეპოქაზე უარესი ხდები",- განაცხადა უგულავამ. 

შეგახსენებთ, რომ დღეს, თბილისის საქალაქო სასამართლოში მიხეილ სააკაშვილის  გათავისუფლების ან სასჯელის გადავადების საქმეზე უნდა ემსჯელათ, თუმცა მოსამართლე გიორგი არევაძემ პროცესი 14 დეკემბრისთვის გადადო. 

პროცესზე დასწრების სურვილი გამოთქვა თავად ექსპრეზიდენტმა, თუმცა მისი ჯანმრთელობის მდგომარეობიდან გამომდინარე, კლინიკა „ვივამედმა" დასწრების საშუალება არ მისცა.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი