კიევმა ნატოს მიმართა თხოვნით, მიეწოდებინა მისთვის თანხების ნაწილი რომელიც გამოყოფილი იქნა ავღანეთის მხარდასაჭერად. - ამის შესახებ Politico ხუთ ჩინოვნიკზე დაყრდნობით წერს, 

თანხები, რომელიც ცნობილია ავღანეთის ეროვნული არმიის ნდობის ფონდის სახელით, გამოიყენებოდა ავღანური ჯარების აღჭურვისა და წვრთნისთვის, სანამ თალიბები ქვეყანას დაიკავებდნენ. უკრაინამ რუსეთთან დასაპირისპირებლად ამ თანხიდან 3,4 მილიარდი დოლარის გამოყოფა მოითხოვა.

Politico-ს ინფორმაციით, „ავღანური“ ფულის განაწილება ნატოს ქვეყნებს შორის უთანხმოებას არ იწვევს, მაგრამ მათში ჩნდება კითხვები უკრაინისთვის გაწეული დახმარების ოდენობასთან დაკავშირებით. ეს პრობლემა გაჩნდა მაღალი ინფლაციისა და ენერგიის ფასების ზრდის გამო მოსალოდნელი რეცესიის შიშის ფონზე.
ფონდიდან ფული გაიყინა მას შემდეგ, რაც თალიბებმა ძალაუფლება აიღეს. ნატო მუშაობდა მათი დაბრუნების მექანიზმის შექმნაზე, თუმცა, როგორც Politico ხაზს უსვამს, თითოეული დონორი ქვეყანა თავად წყვეტს, როგორ გამოიყენებს ეს თანხა. ზოგიერთი მათგანი უკრაინაში თანხის მთლიანად ან ნაწილის გადარიცხვას განიხილავს. Politico-ს თანამოსაუბრის თქმით, ამაზე მოლაპარაკებები თვეზე მეტია მიმდინარეობს. გამოცემა აღნიშნავს, რომ ეს თანხა საკმარისი არ არის უკრაინის ზამთრის გადარჩენისთვის, მაგრამ მას შეუძლია ნატოს ღარიბ ქვეყნებს საშუალება მისცეს გაზარდონ დახმარება ეკონომიკური სიძნელეების პირობებში.

რამდენიმე ქვეყანა უკვე დათანხმდა უკრაინაში მათი „ავღანური“ ფულის გადარიცხვას. მათ შორისაა ნიდერლანდები, რომელმაც ანგარიშზე ჯამში 134 მილიონი დოლარი შეიტანა. მათი თქმით, ამ თანხის ნაწილის მაინც გადარიცხვას უკრაინაში გეგმავენ. ლიტვამ ასევე განაცხადა, რომ მზად იყო კიევში გადარიცხოს 2,8 მილიონი დოლარი „ავღანური“ ფულიდან.

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე