2022-12-04 10:57:42, 1047 ნახვა
პოლიტიკა
ხოშტარია - შევიკრიბოთ და შავი სამგლოვიარო ნაჭერი შევაბათ ნაძვის ხეს
პარტიული და პროპაგანდისტული, ანტიუკრაინული მესიჯი ‘მშვიდობის ქალაქი’ არა საახალწლო სიმბოლოა, არამედ შეურაცხყოფის და სიყალბის ადგილი, - ამის შესახებ "დროას" ლიდერი ელენე ხოშტარია სოციალურ ქსელში საახალწლო სლოგანთან დაკავშირებით წერს.
ხოშტარია დღეს, 4 დეკემბერს აქციას აანონსებს და ამბობს, რომ იმ ფონზე, როდესაც ქართველი მებრძოლები უკრაინაში იღუპებიან,"ყალბი მშვიდობის" გაპროტესტებას გეგმავს.
"შევიკრიბოთ და შავი სამგლოვიარო ნაჭერი შევაბათ იმ ნაძვის ხეს. კვირას, 19:00 ჩვენ წავალთ და ასე გამოვხატავთ გლოვას და პროტესტს ყალბ მშვიდობაზე. ჩვენი რეალური მშვიდობისთვის დაიღუპა ის ხალხი", - წერს "ფეისბუქის" საკუთარ გვერდზე ელენე ხოშტარია.
შეგახსენებთ, გუშინ, 3 დეკემბერს ბახმუტთან 5 ქართველი მებრძოლი დაიღუპა.
ავტორი: ექსპრესნიუსი,
epn.ge (@expressnews.ge)
