,,საოცრება ის არის, რომ ამ ქვეყანაში რიგით მეორე პარტიამ, ნაციონალურმა მოძრაობამ, ვერ მოახერხა, რომ სამი თუ ოთხი კანდიდატიდან ერთი მაინც  არ ყოლოდა კომიკური ფიგურა. ხომ გახსოვთ, მითები იმის შესახებ, რომ ნაცები კი, შეიძლება ბოროტები იყვნენ, ცუდი საქმეები აკეთეს, მაგრამ პროფესიონალები არიან - სულ მითია,’’ - ამის შესახებ ,,ქართული ოცნების’’ აღმასრულებელმა მდივანმა მამუკა მდინარაძემ განაცხადა.

როგორც მდინარაძემ აღნიშნა, მითია ის ფაქტი, რომ ნაცები ხელისუფლებაში ყოფნის დროს საქმეს აკეთებდნენ და პროფესიონალები იყვნენ. როგორც მდინარაძე აცხადებს, მათ საკუთარ რიგებში ვერ მონახეს პარტიის თავმჯდომარეობის ღირსეული კანდიდატი, რომელიც არ იქნებოდა კომიკური და კონკურენციას გაწევდა. 

,,შემდავებელი არ ყავდათ, ტელევიზია არ არსებობდა  ქვეყანაში მათ დროს, რომელიც შეეკამათებოდა. დაბეჯითებით, დარწმუნებით, სრული პასუხისმგებლობით შემიძლია გითხრათ, რომ ექვსი თვე ნაცმოძრაობა ვერ გაძლებდა ხელისუფლებაში დღეს როგორი კონკურენციაც არის მედია ბაზარზე. შემკამათებელი არ ყავდათ და აჩენდნენ ასე, ცალმხრივად, მარტო ერთ ინფორმაციას. აჩენდნენ ისე, რომ კი, შეიძლება, ბოროტები ვართ, ცუდები ვართ, ხალხს ვკლავთ, ვაუპატიურებთ, მაგრამ საქმე ვიცით, პროფესიონალები ვართ. აი, ეს მითი იყო. ეს მითი ინგრევა დღეს. წარმოიდგინეთ, როგორი ოდიოზური  და კომიკური ფიგურები ყავთ, სამივე თუ ოთხივე კანდიდატად. დაზეპირებული აქვთ სლოგანებივით ზოგადი მესიჯები, რომ იქ ცუდად არის საქმე, აქ ეკონომიკა ჩამოინგრა, იქ რუსეთუმეები, რაღაცა ფრაზები აქვთ დაზეპირებული. უბრალოდ, ხალხზე აქვთ ცუდი წარმოდგენა და ფიქრობენ, რომ თუ ვილაპარაკებთ, რომ ქართული ხელისუფლება არ არის, სინამდვილეში რუსულია, ამას ხალხი დაიჯერებს. ხალხზე აქვთ ძალიან  ცუდი წარმოდგენა. სიღრმეში შეხვალ თუ არა, შემკამათებელიც არ არსებობს ნაცმოძრაობიდან, მთელი პასუხისმგებლობით გეუბნებით. არცერთ თემაში, სიღრმეში არ შემოდიან, არიან უკიდურესად დილეტანტები და ვერ მოძებნეს ერთი ადამიანიც კი, რომელიც არ იქნებოდა კომიკური და ლიდერობას შეძლებდა,’’ - განაცხადა მდინარაძემ.

ავტორი: NS (სტატია დაფინანსებულია),

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო