იტალიის სამხრეთში მდებარე კუნძულ ისკიაზე მეწყერის შედეგად სულ მცირე 7 ადამიანი, მათ შორის ახალშობილი დაიღუპა. აღნიშნულ ინფორმაციას Reuters-ი ავრცელებს.

მედიის ცნობით, სტიქიის ზონიდან 200-ზე მეტი ადამიანის ევაკუაცია განხორციელდა, 5 ადამიანი კი, ამ დრომდე დაკარგულად მიიჩნევა.

იტალიის მთავრობამ მინისტრთა კაბინეტის გადაუდებელი სხდომა გამართა და კუნძულზე საგანგებო მდგომარეობა გამოაცხადა. მთავრობის გადაწყვეტილებით, სამაშველო ღონისძიებებისა  და საჯარო სერვისების აღდგენისთვის თითქმის 2,1 მილიონი დოლარი გამოიყო.

ოფიციალური პირების განცხადებით, მთის ფერდობის ჩამოშლა გამოიწვია უხვმა ნალექმა, რომელიც მათივე შეფასებით, ბოლო 20 წლის განმავლობაში, ყველაზე ძლიერი იყო. ამასთან, მეწყერული პროცესების განვითარების საფრთხე ამ დროისთვის ისევ არსებობს.

ისკია, რომლის მოსახლეობა 62 000 ადამიანს შეადგენს, არის ვულკანური კუნძული და ნეაპოლიდან, დაახლოებით, 30 კილომეტრში მდებარეობს.

ავტორი: ექსპრესნიუსი,

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა