2022-11-11 16:31:25, 1786 ნახვა
ომი უკრაინაში
რუსეთის ტყვეობიდან 45 უკრაინელი მებრძოლი გათავისუფლდა
უკრაინამ ოკუპანტებისგან 45 უკრაინელი ჯარისკაცი გაათავისუფლა,- ამის შესახებ უკრაინის პრეზიდენტის აპარატის უფროსმა, ანდრეი ერმაკმა განაცხადა.
ერმაკის თქმით, უკრაინამ ასევე დაიბრუნა დაღუპული დამცველის ორი ცხედარი.
"მორიგი გაცვლა მოხდა - უკრაინის შეიარაღებული ძალების 45 ჯარისკაცი გაათავისუფლეს. მათ შორის არიან ჯარისკაცები და სერჟანტები, რომლებიც ბრძოლებში იცავდნენ ჩვენს სახელმწიფოს”,- წერს ერმაკი.
შეგახსენებთ, რომ 29 ოქტომბერს უკრაინამ რუსი ოკუპანტების ტყვეობიდან 52 გაათავისუფლა.
ამასთან, 3 ნოემბერს უკრაინასა და რუსეთს შორის პატიმართა ფართომასშტაბიანი გაცვლა მოხდა. სახლში 107 უკრაინელი დაბრუნდა, მათ შორის აზოვსტალის 74 მცველი.
ავტორი: ექსპრესნიუსი,
epn.ge (@expressnews.ge)
