2022-11-09 19:55:26, 1047 ნახვა

---

იონათამიშვილი ტრანსნაციონალური დანაშაულზე - ეს უნდა იყოს მინიშნევა ევროპარლამენტარებისთვის ვისაც გონია, რომ ბიძინა ივანიშვილი ოლიგარქია და კეზერაშვილი მედიამენეჯერი

 ,,ხელისუფლების მხარდაჭერის გარეშე, შეუძლებელი იქნებოდა მსგავსი საქმეების გახსნა და გამოძიება. აი, აქ ჩანს, სახელმწიფოს როლი და დამოკიდებულება, როგორია მსგავს დანაშაულებზე,’’ - ამის შესახებ საზოგადოებრივი მაუწყებლის ეთერში უმრავლესობის წევრმა რატი იონათამიშვილმა განაცხადა. 

როგორც რატი იონათამიშვილმა აღნიშნა, ამ დანაშაულის გახსნაში  დიდი როლი უჭირავს ქართველი სამართალდამცველების მუშაობას, როგორც ეს გერმანიის მხარემ აღნიშნა. მისი თქმით, ის ადამიანები, რომლებიც დაპატიმრებულები არიან პირდაპირ კავშირში არიან კეზერაშვილთან. 

,,მინდა დადებითად შევაფასო ჩვენი პროკურატურის მუშაობა ამ ტრანსნაციონალური დანაშაულის სქემის გახსნაში. ასევე, მნიშვნელოვანია გერმანიის მხარის შეფასება,  თუ როგორი გადამწყვეტი იყო საქართველოს პროკურატურის მონაწილეობა იმისთვის, რომ გამოკვეთილიყო მაღალი მტკიცებულებების ხარისხი. ეს მეორე. რაც შეეხება მესამე ნაწილს. მნიშვნელოვანია, რომ ხელისუფლების წარმომადგენლები კი არ ამბობენ, ფაქტიურად ის ადამიანები ვისაც ბრალი წარედგინათ, ისინი წარმოადგენენ გარემოცვას კეზერაშვილის. კეზერაშვილი, რომ მსგავს სქემებში მონაწილეობს ეს პირველად არ გაგვიგია და ამაზე ძალიან ბევრჯერ თქმულა და დაწერილა არც თუ ისე უარგუმენტოდ. მან  ქართულ ჯარს მოპარა ფული, ის, რასაკვირველია, არც ევროკავშირის პენსიონერ მოქალაქეებს დაინდობს და მას მორალური წინაღობა არ ექნება.  ეს არის ისეთი დანაშაული, რომლის ბუნება ერთ-ერთი ყველაზე მძიმე და ამორალური შეიძლება იყოს, როდესაც ხანდაზმულ, პენსიონერ ადამიანებს ძარცვავ, ატყუებ და პარავ მთელი თვისი ცხოვრების დანაზოგს. შესაბამისად, ეს ფაქტორი კიდევ ერთი მინიშნება უნდა იყოს იმ პატივცემული ცალკეული ევროპარლამენტარებისთვის ვისაც გონია, რომ ბიძინა ივანიშვილი არის ოლიგარქი და კეზერაშვილი მედიამენეჯერი. გაათვითცნობიერონ საკუთარი გადაწყვეტილებები, რას წერენ და როგორ წერენ იმიტომ, რომ ამას ჩვენი საზოგადოება ხედავს და აფასებს, ‘’ - განაცხადა რატი იონათამიშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი