აშშ-ში შუალედური არჩევნების ხმების დათვლის პროცესი გრძელდება. „რესპუბლიკელები“ და „დემოკრატები“ მჭიდრო რბოლაში არიან კონგრესზე კონტროლის მოსაპოვებლად. 

ამ დროისთვის არსებული მონაცემებით:

• დემოკრატმა ჯონ ფეტერმანმა, შტატის ლეიტენანტმა გუბერნატორმა, პენსილვანიაში გამარჯვება მოიპოვა და ცნობილი სატელევიზიო ექიმი მეჰმედ ოზი დაამარცხა
• ჯ.დ ვენსმა, „ჰილბილის ელეგიის“ ავტორმა, რომელიც დონალდ ტრამპის მწვავე კრიტიკოსი იყო, სანამ მის ერთ-ერთ ყველაზე ერთგულ მოკავშირედ გადაიქცეოდა, დაამარცხა დემოკრატი პარლამენტარი ტიმ რაიანი ოჰაიოსი.
• დემოკრატმა ჯოშ შაპირომ დაამარცხა ულტრამემარჯვენე რესპუბლიკელი დუგ მასტრიანო

ჯერჯერობით, წარმომადგენელთა პალატაში „რესპუბლიკელებმა“ 192 ადგილი, „დემოკრატებმა“ კი 166 ადგილი მოიპოვეს. 435-ადგილიან პალატაზე კონტროლის მოსაპოვებლად პარტიას 218 მანდატი სჭირდება.

რაც შეეხება სენატს, „რესპუბლიკელებს“ ჯერჯერობით 47 ადგილი აქვთ, „დემოკრატებს“ კი - 48.

არჩევნებში მონაწილეობა 46 მილიონზე მეტმა ამომრჩეველმა მიიღო.ოფიციალური პირების შეფასებით, ბიულეტენების საბოლოო რაოდენობამ, შესაძლოა, 2018 წლის შუალედურ არჩევნებში დაფიქსირებულ რეკორდს გადააჭარბოს. 

„რესპუბლიკელები“ ბაიდენის ადმინისტრაციას ადანაშაულებენ ფასების ზრდაში, რაც ამჟამად, ამერიკელების მთავარი პრობლემაა. 

„რესპუბლიკელთა“ გამარჯვება პალატასა და სენატში პარტიას საშუალებას მისცემს, დაბლოკონ პრეზიდენტის დღის წესრიგის დიდი ნაწილი მომდევნო ორი წლის განმავლობაში. რესპუბლიკელების ხელმძღვანელობით სენატმა ასევე შეიძლება დაბლოკოს ბაიდენის კანდიდატურები სასამართლო ან ადმინისტრაციულ პოსტებზე.

ავტორი: ექსპრესნიუსი,

სოციალური ქსელები

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები