ირანმა, შესაძლოა, სიკვდილით დასაჯოს ხალხი, რომელიც საპროტესტო აქციებში იღებდა მონაწილეობას. 
პარლამენტის 290 წევრიდან 227-მა მხარი დაუჭირა რეზოლუციას, რომელიც მომიტინგეებისთვის „მძიმე გაკვეთილის“ სწავლებას ითვალისწინებს.

დეპუტატების თქმით, ეს გაფრთხილება უნდა იყოს მათთვის, ვინც რეჟიმის სტაბილურობას ემუქრება.

„ჩვენ, ხალხის დეპუტატები, მოვუწოდებთ სახელმწიფო ხელისუფლების წარმომადგენლებს, მათ შორის სასამართლოს, არ შეიწყალონ ისინი, ვინც ომი გამოგვიცხადა და ისლამური სახელმწიფოს ტერორისტებივით იქცევა, ართმევს ადამიანებს სიცოცხლეს და ქონებას”,- ნათქვამია დოკუმენტში.

ახალი რეზოლუციის ამოქმედების შემთხვევაში, 14 ათასზე მეტ ადამიანს, სიკვდილი ემუქრება. 

ცნობისთვის, ირანში თვეზე მეტია, რაც საპროტესტო აქციები მიმდინარეობს.

საქმე ეხება 22 წლის მაჰსა ამინს, რომელიც ირანში ჰიჯაბის ტარების კანონების დარღვევისთვის დააპატიმრეს, რის შემდეგაც იგი კომაში ჩავარდა და გარდაიცვალა. აღნიშნულმა ფაქტმა,  გამოიწვია დემონსტრაციები მრავალ რაიონში, მათ შორის დედაქალაქში.

პოლიციის მტკიცებით, ახალგაზრდა ქალი ავად გახდა, როდესაც ის სხვა ქალებთან ერთად ელოდებოდა პოლიციას. მაგრამ ამინის მამამ არაერთხელ თქვა, რომ მის ქალიშვილს ჯანმრთელობის პრობლემები არ ჰქონდა და დასძინა, რომ მას ფეხის სისხლჩაქცევები ჰქონდა. 
თეთრი სახლის სპიკერის თქმით, „მაჰსა ამინისთვის სასიკვდილო ჭრილობები მიყენებული იქნა იმის გამო, რომ ის ატარებდა "არაშესაფერისს" ჰიჯაბს, რაც არის ადამიანის უფლებების შემზარავი და საშინელი შეურაცხყოფა“.

საპროტესტო გამოსვლები ყველაზე ინტენსიური იყო ქურთისტანის რეგიონში, სადაც ხელისუფლებამ ჩაახშო 8-დან 10 მილიონამდე ქურთი უმცირესობის საპროტესტო აქციები. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს