2022-11-04 09:10:42, 1055 ნახვა
საზოგადოება
უკრაინაში დაღუპული ქართველი მებრძოლი გურგენ გაგნიძე სამშობლოში ჩამოასვენეს
უკრაინაში დაღუპული ქართველი მებრძოლი, 40 წლის გურგენ გაგნიძე დღეს, გამთენიისას საქართველოში ჩამოასვენეს.
გურგენ გაგნიძეს ზესტაფონში გადაასვენებენ და 8 ნოემბერს, სამხედრო პატივით, სამოქალაქო სასაფლაოზე დაკრძალავენ.
ქართველი მებრძოლი ჯგუფთან ერთად ტყვეების ასაყვანად დაგეგმილ ოპერაციაში მონაწილეობის დროს, დონეცკის ოლქში, ქალაქ ბახმუტში დაიღუპა. გაგნიძე უკრაინის შეიარაღებული ძალების 25-ე სადესანტო-მოიერიშე ბრიგადაში მსახურობდა და ოცმეთაური იყო.
რუსეთ-უკრაინის ომს 24 ქართველი მებრძოლის სიცოცხლე ემსხვერპლა.
ავტორი: ექსპრესნიუსი,
epn.ge (@expressnews.ge)
