თუ წაიკითხავთ, რატომ დაასანქცირეს, გეგონებათ, რომ ბიძინა ივანიშვილის განმარტებას კითხულობთ, - ასე ეხმაურება "ერთიანი ნაციონალური მოძრაობის" წევრი, ლევან ხაბეიშვილი მოლდოველი ოლიგარქის, ვლადიმირ პლახოტნიუკის დასანქცირებას. 

მისი თქმით, ბიძინა ივანიშვილისთვის ეს არის სიგნალი, რომ ძალიან ახლოს არის სანქცირებასთან.

"პლახოტნიუკის განმარტებას თუ წაიკითხავთ, რატომ დაასანქცირეს, გეგონებათ, რომ ბიძინა ივანიშვილის განმარტებას კითხულობთ - "რუსეთის ინტერესების გამტარებელი, სასამართლოზე ახდენდა ზეწოლას, კორუფციაში ჩაფლული"  - აბსოლუტურად ერთი-ერთში ემთხვევა.

ბიძინა ივანიშვილისთვის ეს არის სიგნალი, რომ ძალიან ახლოს არის  სანქცირებასთან ისევე, როგორც მისი ოჯახის დასანქცირება მოხდა. მნიშვნელოვანია, ვინმე გონიერმა ადამიანმა ურჩიოს, რომ უბრალოდ მოეშვას ზამბარაზე ჩაჭიდებას, იმიტომ რომ, რაც უფრო ღრმად და გრძლად გაწელავს ზამბარას, კიდევ უფრო მძიმედ მოხვდება ცხვირში",- ამბობს ხაბეიშვილი. 

ცნობისთვის, აშშ-მა მოლდოველი რუსეთის გავლენის სუბიექტები და ოლიგარქები, მათ შორის ვლადიმირ პლახოტნიუკი და ილან შორი დაასანქცირა. სანქციები, ჯამში, 9 ადამიანსა და 12 სუბიექტს შეეხო.

რაც შეეხება ბიძინა ივანიშვილის ოჯახის წევრებისთვის სანქციების დაწესებას, 20 ოქტომბერს, უკრაინის მიერ სანქცირებულთა სიაში ბიძინა ივანიშვილის დეიდაშვილი, უჩა მამაცაშვილი და მისი შვილი, ტიტე მამაცაშვილი, ასევე ალექსანდრე ივანიშვილი და მისი მეუღლე მოხვდნენ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო