ბრიტანეთი, საფრანგეთი და გერმანია მოუწოდებენ გაეროს, გამოიძიოს ბრალდებები იმასთან დაკავშირებით, რომ რუსეთმა ირანული დრონები უკრაინაზე თავდასხმისთვის გამოიყენა. 

სამი ქვეყნის წარმომადგენლების მიერ ხელმოწერილ წერილში, მხარეებმა მხარი დაუჭირა გამოძიებას დრონების შესახებ, რადგან მიიჩნევენ, რომ ეს არღვევს გაეროს უშიშროების საბჭოს რეზოლუციას, რომელიც მხარს უჭერს 2015 წლის ირანის ბირთვულ შეთანხმებას.

გარდა ამისა, აშშ-ის სახელმწიფო მდივანმა ანტონი ბლინკენმა თქვა, რომ ვაშინგტონს ჯერ კიდევ სჯერა, რომ დიპლომატია საუკეთესო გზაა თეირანის ბირთვული პროგრამის დასაკავებლად, მაგრამ 2015 წლის შეთანხმების აღორძინების შანსს „ამ მომენტში“ ვერ ხედავს, რადგან ირანი წამოაყენებს „გარეშე“ საკითხებს.

„შეთანხმებით თუ მის გარეშე, ჩვენ გავაგრძელებთ ყველა საჭირო ნაბიჯის გადადგმას ირანის ქმედებებთან, ირანის აგრესიასთან, იქნება ეს ახლო აღმოსავლეთში თუ მის ფარგლებს გარეთ“, - თქვა მან საფრანგეთის საგარეო საქმეთა მინისტრთან, კატრინ კოლონასთან გამართულ პრესკონფერენციაზე.

უკრაინა აცხადებს, რომ რუსეთმა გამოიყენა ირანული წარმოების შაჰედ-136-ის დრონები, თუმცა
თეირანი უარყოფს უპილოტო თვითმფრინავების მოსკოვს მიწოდებას.

ავტორი: ექსპრესნიუსი,

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს