„ოცნებამ“ მხარი არ დაუჭირა რუსეთის ტერორისტულ რეჟიმად გამოცხადებას,- აღნიშნულის შესახებ პარტია "დროა" განცხადებას ავრცელებს.

მათი ცნობით, ევროპის საბჭოს საპარლამენტო ასამბლეამ 13 ოქტომბერს კენჭი უყარა რუსეთის ტერორისტულ რეჟიმად გამოცხადებას, რომელსაც „ქართული ოცნების“ წარმომადგენლები არ დაესწრნენ.

"ევროპის საბჭოს საპარლამენტო ასამბლეამ 13 ოქტომბერს კენჭი უყარა რუსეთის ტერორისტულ რეჟიმად გამოცხადებას. ხმის მიცემის პროცესს ესწრებოდა წევრი ქვეყნების 100 წარმომადგენელი, რომელთაგან მხოლოდ ერთმა შეიკავა თავი პოზიციის დაფიქსირებისგან, 99-მა კი ერთხმად გამოაცხადა რუსეთი ტერორისტულ რეჟიმად.

„ქართული ოცნების“ წარმომადგენლები, ისევე, როგრც პარტია „მოქალაქეების“ წევრი და საქართველოს პარლამენტის თავმჯდომარის მოადგილე ლევან იოსელიანი აღნიშნულ კენჭისყრას არ დაესწრნენ და, შესაბამისად, არ დაუჭირეს მხარი რუსეთის ტერორისტულ რეჟიმად გამოცხადებას."- აღნიშნულია განცხადებაში.

მათივე ცობით, განცხადების გავრცელების შემდეგ, პარტიას დაუკავშირდა ლევან იოსელიანი, რომლის თქმითაც მან რეზოლუციას ხმა მისცა, თუმცა ტექნიკური ხარვეზის გამო, კენჭისყრის შედეგში არ აისახა ამიტომ საკუთარი ხმა შემდეგ დაამატა, ამასთან, მან მე-4 შესწორებას არ დაუჭირა მხარი.

შეგახსენებთ, რომ 13 ოქტომბერს ევროპის საბჭოს საპარლამენტო ასამბლეამ მხარი დაუჭირა რეზოლუციას, რომელიც რუსეთის "ტერორისტულ რეჟიმად" გამოცხადებას მოითხოვდა. გადაწყვეტილებას ხმა 99-მა დეპუტატმა მისცა, ერთმა კი თავი შეიკავა.

ავტორი: ექსპრესნიუსი,

სოციალური ქსელები

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო

უკრაინაში მიმდინარე ომში კიდევ ორი ​​ქართველი ჯარისკაცი დაიღუპა

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას