შინაგან საქმეთა სამინისტროს საინფორმაციო-შემეცნებითი კამპანიის - ”ემეგობრე პოლიციას” ფარგლებში, გრძელდება საინფორმაციო შეხვედრები რეგიონების სხვადასხვა სკოლაში. სამინისტროს წარმომადგენლებმა, ბათუმის შემდეგ, სამეგრელოს რეგიონში, ზუგდიდში, აკაკი წერეთლის სახელობის N1, მერაბ კოსტავას სახელობის N2, ასევე, N3, N4 და N9 საჯარო სკოლებში მოსწავლეებთან შეხვედრები გამართეს. აღნიშნულ ინფორმაციას შინაგან საქმეთა სამინისტრო ავრცელებს.

უწყების ცნობით, საპატრულო პოლიციის, კრიმინალური პოლიციის, საზოგადოებრივი უსაფრთხოების მართვის ცენტრი „112“-ის, საგანგებო სიტუაციების მართვის სამსახურის და ადამიანის უფლებათა დაცვისა და გამოძიების ხარისხის მონიტორინგის დეპარტამენტის თანამშრომლებმა საინფორმაციო-შემეცნებით ​შეხვედრებზე მოზარდებს ინფორმაცია მიაწოდეს მართლწესრიგთან დაკავშირებით მათთვის საჭირო და აქტუალურ სხვადასხვა თემაზე, მათ შორის ბავშვთა უფლებების, ნაადრევი ქორწინების და მისი ზიანის, ბულინგის, ძალადობისა და ორგანიზებული დანაშაულის შესახებ. შინაგან საქმეთა სამინისტროს წარმომადგენლებმა ბავშვებს სხვადასხვა სტრუქტურული დანაყოფის საქმიანობის ამსახველი ვიდეორგოლები წარუდგინეს.

შეხვედრები კითხვა-პასუხის რეჟიმში წარიმართა. სამართალდამცველებმა მოსწავლეების შეკითხვებს უპასუხეს.

კამპანიას - „ემეგობრე პოლიციას“ გრძელდება, კამპანიის ფარგლებში საზოგადოებრივი ღონისძიება გუშინ რუსთავში დაიწყო და დღესაც ყველა დაინტერესებულ ადამიანს ქალაქის ცენტრალურ მოედანზე შეუძლია ესტუმროს შინაგან საქმეთა სამინისტროს სხვადასხვა დანაყოფის საგამოფენო სივრცეებს.

საზოგადოებრივი საინფორმაციო-შემეცნებითი ღონისძიებები და შეხვედრები სხვადასხვა სკოლაში ქვეყნის მასშტაბით სხვადასხვა რეგიონებში გაიმართება.

ავტორი: NS (სტატია დაფინანსებულია),

სოციალური ქსელები

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო

ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა

ბრიტანეთმა რუსეთის წინააღმდეგ ახალი სანქციები დააწესა უკრაინაში ომისა და სომხეთის არჩევნებში ჩარევის მცდელობის გამო

მეუფე შიო - მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს