2022-09-19 10:06:24, 1644 ნახვა
ომი უკრაინაში
ზელენსკი - მარიუპოლი, მელიტოპოლი, ხერსონი, დონეცკი - მალე ეს სიტყვებიც ხმამაღლა გაიჟღერებს, რადგან მათაც გავათავისუფლებთ
უკრაინის პრეზიდენტი, ვოლოდიმირ ზელენსკი ხარკოვის რეგიონში მიღწეულ წარმატებას ეხმიანება და აცხადებს, რომ მალე იმ ქალაქებსაც გაათავისუფლებენ, რომლებიც ჯერ კიდევ ოკუპაციის ქვეშ არის.
მისი თქმით, შესაძლოა ვინმე ფიქრობს, რომ მთელი რიგი გამარჯვებების შემდეგ, ახლა გარკვეული სიჩუმეა, მაგრამ ეს მთავარი სიტყვებისთვის მზადებაა.
“შესაძლოა ვინმე ფიქრობს, რომ მთელი რიგი გამარჯვებების შემდეგ, ახლა გარკვეული სიჩუმეა, მაგრამ ეს არა სიჩუმე, არამედ ჩვენთვის მთავარი სიტყვებისთვის მზადებაა. მარიუპოლი, მელიტოპოლი, ხერსონი, დონეცკი, ევპატორია, იალტა, მალე ეს სიტყვებიც გაიჟღერებს ხმამაღლა, როცა ჩვენ ამ ქალაქებს გავათავისუფლებთ, რადგან მთელი უკრაინა აუცილებლად უნდა იყოს თავისუფალი",- განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
