საქართველოში უკრაინელი ტელეწამყვანი, რომან დრიბნოი არ შემოუშვეს. აღნიშნულის შესახებ ინფორმაციას ჟურნალისტი სოციალურ ქსელში თავად ავრცელებს. 

ჟურნალისტის თქმით, მას აეროპორტში საზღვრის კვეთის უფლება არ მისცეს და განმარეტებების გარეშე უკან გააბრუნეს.

„თვითმფრინავიდან რომ ჩამოვედი, წავედი პასპორტის კონტროლზე და იქ იდგა ვიღაც ბიჭი,  რომელიც ანაწილებდა ხალხს ჯიხურებთან უკრაინის პასპორტი რომ დაინახა, მითხრა, თქვენ აი იქით პირდაპირ უნდა წახვიდეთო. იქ იდგნენ პოლიციელები და გამესაუბრნენ, როგორც წესია ყველა შეკითხვა დამისვეს. ჩვენ გვაქვს უფლება მიზეზი არ გავახმოვანოთ, ფურცელზე მიიღებთ დეტალურ ინფორმაციასო, იმავე თვითმფრინავში ჩამსვეს და ვარშავაში გამომიშვეს. თვითმფრინავში ასვლისას დავხედე პასპორტს და ფურცელს, სადაც მიზეზებში ეწერა "სხვა მიზეზები". 

პარალელურად რუსეთის მოქალაქეებს ატრებდნენ. დაკითხვას უწყობდნენ მაგრამ მაინც უშვებდნენ. სამწუხაროა, რომ არებობენ ქვეყნები, ზუსტად რომ ვთქვათ მთავრობები, როგორც წყეული რუსეთი.  ხალხი, რა თქმა უნდა, ჩვენს მხარესაა“,- განაცხადა დრიბნოიმ.

შეგახსენებთ, რომ ტელეწამყვანი  უკრაინის მხარდასაჭერ საქველმოქმედო გამოფენას უნდა დასწრებოდა, რომელიც დედა სიდონიას კურატორობით 25 სექტემბერს გაიმართება. ღონისძიების ერთ-ერთი წამყვანი სწორედ დრიბნოი უნდა ყოფილიყო.

ავტორი: ექსპრესნიუსი,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს