რუსეთი და ჩინეთი ამ კვირაში დაიწყებენ სამხედრო წვრთნების სერიას, რაც მიანიშნებს მოსკოვის პეკინთან კავშირების გაღრმავებაზე, მიუხედავად მისი ომის მზარდი ხარჯებისა უკრაინაში, - ამის შესახებ გამოცემა Financial Time წერს. 

"ვოსტოკის" წვრთნები, რომელიც სამშაბათს იწყება, ყოველ ოთხ წელიწადში ერთხელ ტარდება რუსეთის შორეულ აღმოსავლეთში. 2018 წლის ბოლო წვრთნების დროს, მასში მონაწილეობდა 300,000 ჯარისკაცი ჩინეთიდან და მონღოლეთიდან.

დასავლელი ოფიციალური პირები და თავდაცვის ანალიტიკოსები ამბობენ, რომ წვრთნებით რუსეთის ფედერაციის პრეზიდენტი, ვლადიმირ პუტინი ცდილობს აჩვენოს, რომ უკრაინაში მიმდინარე ომის მიუხედავად, რუსეთს კვლავ აქვს სამხედრო რესურსი. ამასთანავე, ამტკიცებს, რომ კრემლს აქვს უნარი შეინარჩუნოს მჭიდრო ურთიერთობა სხვა არადასავლურ მოკავშირეებთან, მათ შორის ბელარუსთან და ინდოეთთან, რომლებიც წვრთნებს შეუერთდებიან.

პეკინმა ხაზგასმით აღნიშნა, რომ მისი მონაწილეობა ვოსტოკის წვრთნებში "არ არის კავშირში მიმდინარე საერთაშორისო და რეგიონულ სიტუაციასთან".

​იმის გამო, რომ რუსეთის არმიის სამი მეოთხედი, სავარაუდოდ, უკრაინაში იბრძვის, ანალიტიკოსების განმარტებით, წვრთნები ძირითადად "თეატრალური დადგმა" იქნება. 

ავტორი: ექსპრესნიუსი,

სოციალური ქსელები

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის