ისრაელმა და თურქეთმა ურთიერთობის სრული ნორმალიზაციის შესახებ განაცხადეს.

ისრაელის პრემიერ-მინისტრის იაირ ლაპიდის ოფისის ცნობით, შეთანხმება ითვალისწინებს ელჩებისა და კონსულების დაბრუნებას თელ-ავივსა და ანკარაში.

"თურქეთთან ურთიერთობის განახლება მნიშვნელოვანი ეკონომიკური აქტივია ისრაელის მოქალაქეებისთვის. ჩვენ გავაგრძელებთ მოქმედებას და გავაძლიერებთ ისრაელის საერთაშორისო სტატუსს მსოფლიოში", - განაცხადა ლაპიდმა თურქეთის პრეზიდენტ რეჯეპ ტაიპ ერდოღანთან საუბრის შემდეგ. . 

„გადაწყდა, რომ ისრაელსა და თურქეთს შორის ურთიერთობების დონე აღდგეს სრულ დიპლომატიურ წარმომადგენლობამდე. ორივე ქვეყნის ელჩები და გენერალური კონსულები საელჩოებში დაბრუნდებიან“, - ნათქვამია განცხადებაში. 

ანკარამ თავის მხრივ განაცხადა, რომ მისი გადაწყვეტილება ისრაელთან დიპლომატიური ურთიერთობების აღდგენის შესახებ არ ნიშნავს იმას, რომ თურქეთი უარს იტყვის პალესტინელების მხარდაჭერაზე.

„ჩვენ არ ვამბობთ უარს პალესტინის საქმეზე „მნიშვნელოვანია, რომ ჩვენი გზავნილები პირდაპირ ელჩის მეშვეობით იყოს გადმოცემული (პალესტინის საკითხზე)“, - განუცხადა ოთხშაბათს ჟურნალისტებს საგარეო საქმეთა მინისტრმა მევლუთ ჩავუშოღლუმ.

ორ ქვეყანას შორის დიპლომატიური ურთიერთობები  2010 წელს მომხდარი ინციდენტის შემდეგ გაუარესდა, რომლის დროსაც პროპალესტინელი აქტივისტები, ღაზას სექტორის ბლოკადის გასარღვევად ჰუმანიტარული ფლოტილა Mavi-Marmara- ზე მივიდნენ, სადაც ისრაელის ჯარისკაცებთან დაპირისპირება მოხდა. თურქეთის ათი მოქალაქე დაიღუპა ინციდენტის დროს.

ურთიერთობების დათბობა მას შემდეგ მოხდა, რაც ჯაშუშობაში ეჭვმიტანილი ისრაელის მოქალაქეები, მორდი და ნატალი ოკნინები,  თურქეთში დააკავეს გასული წლის დეკემბერში. ისინი საბოლოოდ გაათავისუფლეს ორივე ქვეყანაში უმაღლეს პოლიტიკურ დონეზე კონტაქტების წყალობით. თურქეთის პრეზიდენტმა რეჯეფ თაიფ ერდოღანმა წამოაყენა იდეა "ისრაელთან ურთიერთობის დათბობის შესახებ".

ავტორი: ექსპრესნიუსი,

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია