უკრაინის პრეზიდენტმა ვოლოდიმირ ზელენსკიმ მთავრობას  ერთსქესიანთა ქორწინების დაკანონების საკითხის განხილვა სთხოვა. მაგრამ დასძინა, რომ ამ ნაბიჯის გადადგმა,რუსეთთან ომის დასრულებამდე, რთული იქნება.

უკრაინაში ერთსქესიანთა ქორწინების ლეგალიზების მოთხოვნით შექმნილ პეტიციას 28000-ზე მეტი ხელმოწერა აქვს, რაც ნიშნავს, რომ პრეზიდენტ ვოლოდიმირ ზელენსკის ახლა 10 დღე აქვს პასუხის გასაცემად.

უკრაინაში ჰომოსექსუალიზმი უკანონო არ არის, მაგრამ ერთსქესიანთა ქორწინება და სამოქალაქო პარტნიორობა არ არის აღიარებული.ამან განსაკუთრებული პრობლემები შეუქმნა ლგბტ პირებს, რომლებიც ჯარში მსახურობდნენ რუსეთის შემოჭრის შემდეგ.

ონლაინ პეტიციაში ნათქვამია: „ამ დროს ყოველი დღე შეიძლება იყოს ბოლო“.

უკრაინაში ნებისმიერი პეტიცია, რომელიც აგროვებს 25000-ზე მეტ ხელმოწერას, ავტომატურად  პრეზიდენტის განხილვის საგანი ხდება. თუმცა ეს არ იძლევა რაიმე ცვლილების გარანტიას მოქმედ კანონში და არ არის ნათელი, აპირებს თუ არა ზელენსკი ერთსქესიანთა ქორწინების ლეგალიზებას.

კიევმა გაზარდა ლგბტქ+ უფლებების მხარდაჭერა მას შემდეგ, რაც დასავლეთის მიერ მხარდაჭერილი ლიდერები მოვიდნენ ხელისუფლებაში 2014 წელს. პარლამენტმა 2015 წელს მიიღო კანონმდებლობა სამუშაო ადგილზე დისკრიმინაციის აკრძალვის შესახებ.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება