თბილისის მერიამ აფრიკის დასახლებაში 6 სახლი დაანგრია.

ადგილოვრივების თქმით, მუნიციპალური ზედამხედველობის სამსახურმა ნგრევა გვიან ღამით დაიწყო.

ამასთან, მერიამ აფრიკის დასახლებაში მცხოვრებლები რამდენიმე დღის წინ გააფრთხილა, რომ თუ ორშაბათამდე საცხოვრებელს საკუთარი სურვილით არ დატოვებდნენ, მათ ძალით გამოასახლებდნენ.

ამ დროისთვის მერიის წარმომადგენლებმა ტერიტორია უკვე დატოვეს.

აღნიშნულ ფაქტზე თბილის მუნიციპალური ინსპექცია განცხადებას ავრცელებს.

„თბილისის მუნიციპალურმა ინსპექციამ სამგორის რაიონში, ე.წ. აფრიკის დასახლებაში, სახელმწიფო მიწაზე უკანონოდ მშენებარე რამდენიმე კონსტრუქციის დემონტაჟი განახორციელა.

ჩატარებული ინსპექტირების შედეგად, სახელმწიფოს საკუთრებაში არსებულ მიწის ნაკვეთებზე, სამშენებლო სამართალდარღვევის რამდენიმე ფაქტი გამოვლინდა, მათ შორის, სამი კაპიტალური შენობა მშენებლობის ეტაპზე, ორი ხის კონსტრუქცია და ერთი საძირკველი.

თბილისის მუნიციპალურმა ინსპექციამ სამართალდამრღვევები რამდენიმე დღის წინ გააფრთხილა, რათა მათ უკანონო მშენებლობა შეეჩერებინათ და დემონტაჟი დაეწყოთ, თუმცა, მოქალაქეებს სამშენებლო პროცესი არ შეუწყვეტიათ. 

მუნიციპალურმა ინსპექციამ კანონის შესაბამისად, სახელმწიფო მიწაზე განთავსებული უკანონო კონსტრუქციების დემონტაჟი მოახდინა“,- აღნიშნულია განხადებაში.

ავტორი: ექსპრესნიუსი,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა