გარემოს დაცვისა და სოფლის მეურნეობის მინისტრის პირველი მოადგილე  გიორგი ხანიშვილი იმერეთის მხარის რწმუნებულ ზვიად შალამბერიძეს და რეგიონის მუნიციპალიტეტის წარმომადგენლებს   შეხვდა. 

შეხვედრაზე, რეგიონში სასოფლო-სამეურნეო სამუშაოების მიმდინარეობის საკითხები  განიხილეს. ყურადღება გამახვილდა კლიმატური პირობებით გამოწვეული  სასოფლო-სამეურნეო კულტურების შეწამვლის, მათ შორის, აზიური ფაროსანას საწინააღმდეგო სამუშაოების შეფერხებასა და რისკების პრევენციაზე. 

გიორგი ხანიშვილმა ხაზი გაუსვა, სახელმწიფოს ყველა რგოლის კოორდინირებული მუშაობის და ფერმერების აქტიური ჩართულობის მნიშვნელობას ფაროსანას და სხვა მავნებელი-დაავადებების წინააღმდეგ ბრძოლის პროცესში.  

„სახელმწიფო აზიური ფაროსანას წინააღმდეგ ბრძოლის ღონისძიებებს აქტიურად ატარებს. ხარისხიანი მოსავლის მისაღებად, უმთავრესია, რომ თითოეულმა ფერმერმა მაქსიმალური გააკეთოს და საკუთარ  ფართობებზე აგროკალენდრით გათვალისწინებული სამუშაოები, ჩაატაროს“, - განაცხადა გიორგი ხანიშვილმა. 

მუნიციპალიტეტების  წარმომადგენლებს აზიურ ფაროსანასთან ბრძოლის საკოორდინაციო მართვის ცენტრის უფროსმა, ლაშა შალამბერიძემ, მავნებლის საწინააღმდეგოდ რეგიონში უკვე განხორციელებული და დაგეგმილი ღონისძიებების შესახებ მიაწოდა ინფორმაცია. დღეისათვის,  დასავლეთ საქართველოში, ფაროსანას საწინააღმდეგოდ 14 ათასამდე ჰექტარი ფართობი უკვე დამუშავებულია. 

ავტორი: NS (სტატია დაფინანსებულია),

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა